सिरहाका भिन्नाभिन्नै ठाउँमा दुर्इ शव फेला

कात्तिक १५, २०७५ बिहीबार १८:२७:१८ | आशिष विश्वकर्मा

सिरहा – सिरहाको भिन्दाभिन्दै ठाउँमा परिचय नखुलेका दुई शव फेला परेका छन् ।

लहान नगरपालिका–३, मटियर्वामा अन्दाजी ३५ वर्षीय जति देखिने एक युवकको शव पानीमा डुबेको अवस्थामा बिहीबार विहान फेला परेको हो ।
मझौला शरिर भएको, दाह्री जुँगा पालेको, दाहिने पाखुरामा ट्याटु खोपेको, हरियो सेतो कोठे हाफ पाइन्ट र सर्ट लगाएको युवकको शव फेला परेको प्रहरीले जनाएको छ । युवकको शव पोष्टमार्टमको लागि लहान अस्पतालमा राखिएको जनाइएको छ ।

त्यसैगरी, सिरहा नगरपालिका–६ मा रहेको कमला नदी किनारमा बुधबार अपराह्न एउटी अपरिचित युवतीको शव फेला परेको छ ।

अन्दाजी करिब २५ वर्षकी देखिने मधेसी मूलकी महिलाको शव बुधबार बेलुका फेला परेको जिल्ला प्रहरी कार्यालय सिरहाका प्रवक्ता माधवराज खरेलले जानकारी दिनुभयो ।

रातो रंगको कुर्ता, कालो सुरुवाल, कालै सुइटर, आकाशे निलो रंगको सल लगाएकी युवतीको शवको अझै सनाखत हुन सकेको छैन ।

शव पोष्टमार्टमको लागि जिल्ला अस्पताल सिरहामा राखिएको छ । घटनाको विषयमा अनुसन्धान भइरहेको प्रहरीले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

आशिष विश्वकर्मा

आशिष विश्वकर्मा सिरहाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्