ने क पा को एकता सर्वसम्मत

कात्तिक १६, २०७५ शुक्रबार १८:३३:४२ | तपेन्द्र बिष्ट

डडेल्धुरा – नेपाल कम्युनिष्ट पार्टी ने क पा ले डडेल्धुरामा पार्टी एकताको प्रक्रिया टुङ्गिएको छ ।

डडेल्धुरामा गठित कार्यदलले सबै स्थानीय तहमा नेतृत्वको बाँडफाँड गरी पार्टी एकतालाई पूर्णता दिएको ने क पा नेता धनबहादुर साउदले बताउनु भएको छ ।बिहीबार सम्पन्न नेकपाको जिल्लास्तरिय कार्यदलको बैठकले स्थानीय तहमा समेत नेतृत्व बाँडफाँड गरेको हो ।

दुई नगरपालिका र पाँच गाउँपालिकासहित सातवटा स्थानीय रहेको डडेल्धुरामा एक नगरपालिकासहित चार स्थानीय तहमा तत्कालीन एमाले र एक नगरपालिकासहित तीन वटा स्थानीय तहमा तत्कालीन माओवादी केन्द्रको नेतृत्व पाएको हो ।

यस्तै सातै स्थानीय तहका ५२ वडा मध्ये तत्कालीन एमालेले २८ वडा र तत्कालीन माओवादी केन्द्रले २४ वडामा नेतृत्व पाउने भएको छ । तत्कालीन एमालेले जिल्लाको अमरगढी नगरपालिका, आलिताल गाउँपालिका, नवदुर्गा गाउँपालिका र गन्यापधुरा गाउँपालिका र तत्कालीन माओवादी केन्द्रले परशुराम नगरपालिका, भागेश्वर गाउँपालिका र अजयमेरु गाउँपालिकामा नेतृत्व पाउने सहमति भएको ने क पा नेता साउदले बताउनु भएको छ ।

ने क पा को जिल्ला स्तरको कार्यदलले तयार पारेको भागबण्डाको विवरण प्रदेश कमिटीलाई बुझाइने भएको छ । सर्वसम्मत रुपमा भएको भागबण्डालाई प्रदेश कमिटीले अनुमोदन गरेपछि मात्रै गाउँ तथा वडा कमिटीले पूर्णता पाउने तत्कालीन एमालेका नेता वीरेन्द्र बस्नेतले जानकारी दिनुभएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपेन्द्र बिष्ट

डढेलधुराका उज्यालो सहकर्मी तपेन्द्र विष्ट रेडियो अमरगढीमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ने क पा को एकता सर्वसम्मत

फाइल तस्बिर

तपाईको प्रतिक्रिया