नेपालमा मल कारखाना स्थापनाका लागि मलेसियाकाे कम्पनीले सम्भाव्यता अध्ययन गर्ने

असोज १०, २०८० बुधबार १७:५३:३२ | उज्यालो सहकर्मी

काठमाण्डाै – नेपालमा रासायनिक मल कारखाना स्थापनाका लागि मलेसियाको कम्पनीले विस्तृत सम्भाव्यता अध्ययन गर्ने भएको छ ।

मल कारखाना स्थापनाका लागि आवश्यक पर्ने विस्तृत सम्भाव्यता अध्ययनका लागि लगानी बोर्ड र मलेसियाको रिनिकोला एसडीएन बीएचडी कम्पनीबीच आज बुधवार समझदारी भएको हो । समझदारी पत्रमा लगानी बोर्डका तर्फबाट बोर्डका प्रमुख कार्यकारी अधिकृत सुशील भट्ट र रिनिकोला कम्पनीका प्रबन्ध निर्देशक भौमहिदी अब्देलालीले हस्ताक्षर गर्नुभएको छ ।

सार्वजनिक निजी साझेदारी तथा लगानी नियमावली २०७७ अनुसार रिनिकोला कम्पनीले विद्युतको प्रयोग गरी वातावरणमैत्री प्रविधिमा आधारित मल उत्पादन गर्न गएको पुस १४ गते अध्ययन अनुमति मागेको थियो । मलेसियन कम्पनीको प्रस्तावलाई भदौ ३० गते बसेको बोर्डको ५५ औँ बैठकले स्वीकृत गरेको थियो ।

रिनिकोलाले अनुमति पत्र प्राप्त गरेको २४ महिनाभित्रमा विस्तृत सम्भाव्यता अध्ययन प्रतिवेदन लगानी बोर्डलाई उपलब्ध गराई सक्नुपर्ने समय सीमा तोकिएको छ । दुई सय ६० मिलियन अमेरिकी डलर अर्थात् झन्डै ३५ अर्ब रुपैयाँ अनुमानित लागत खर्च परियोजनाको छ । प्रस्तावित परियोजनाबाट वार्षिक ९५ हजार छ सय टन ग्रीन एमोनिया र दुई लाख ८६ हजार नाै सय ७५ टन टन ग्रीन क्याल्सियम नाइट्रेट मल उत्पादन गर्ने लक्ष्य राखिएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्