म्यानचेस्टर युनाइटेडका प्रशिक्षक होजे मोउरिन्होले स्ट्राइकर एन्थोनी मार्सियललाई क्लब नछोड्न सुझाव दिएका छन ।

फ्रान्सेली स्ट्राइकर मार्सियल निकै राम्रो खेलाडी रहेको र टप खेलाडी हुने तरखरमा रहेका बेला उनी म्यानचेस्टर युनाइटेडमै रहेको हेर्न चाहेको मोउरिन्होले बताएका छन् । मार्सियलका एजेन्ट गएको समरमा उनी क्लब छोड्न इच्छुक रहेको खुलासा गरेका थिए । उनको क्लबसँगको सम्झौता अर्को वर्ष सकिँदैछ । जसका लागि क्लबसँग सम्झौता लम्ब्याउने अन्तिम मौका रहेको छ ।

प्रशिक्षक मोउरिन्होले भने, ‘क्लबलाई उनी जस्तो खेलाडी चाहेको र म आशा गर्छु उनी यही क्लबमा बस्नेछन् ।’ 

रसिया विश्वकपको उपाधि जित्दा उनी टिममा रहेका थिएनन् । म्यानचेस्टर युनाइटेडबाट उनले ४५ खेमा ११ गोल गरेका छन । पछिल्लो चार खेलमा उनले चार गोल गर्न सफल भएका छन् ।