वित्तीय प्रणालीलाई अस्थिर हुन नदिन चीनलाई अन्तर्राष्ट्रिय मुद्रा कोषको आग्रह

असोज २४, २०८० बुधबार ९:३६:३० | एजेन्सी

अन्तर्राष्ट्रिय मुद्रा कोष (आईएमएफ) ले चीनको रियल स्टेट उद्योगमा विश्वास पुनःस्थापित हुनु निक्कै महत्त्वपूर्ण रहेको जनाएको छ । रियल स्टेट क्षेत्रको अस्थिरताले वित्तीय प्रणालीलाई अस्थिर हुन नदिन बेइजिङलाई तत्काल कदम चाल्न आग्रह गरिएको छ।

अन्तर्राष्ट्रिय मुद्रा कोषको मौद्रिक तथा पुँजी बजार विभागका निर्देशक टोबियास एड्रियनले विशेष गरी चीनमा वित्तीय स्थिरताको बारेमा चिन्ता व्यक्त गर्नुभएको समाचार संस्था एएफपीले जनाएको छ । उहाँले वित्तीय प्रणालीले निरन्तर काम गरिरहेको सुनिश्चित गर्नु तथा घरपरिवारले अर्थव्यवस्थामा सकारात्मक दृष्टिकोण राख्नु आर्थिक वृद्धि र वित्तीय स्थिरताका लागि धेरै महत्त्वपूर्ण रहेकोमा जोड दिनुभयो ।

विश्वको दोस्रो ठूलो अर्थतन्त्रलाई खतरामा पार्ने रियल इस्टेट सङ्कटको भारलाई मध्यनजर गर्दै आईएमएफले चीनको आर्थिक वृद्धिको पूर्वानुमानमा संशोधन गरेको थियो । चिनियाँ अर्थतन्त्र यस वर्ष ५ प्रतिशतले वृद्धि हुने अनुमान गरिएको छ।

सन् २०२४ मा चीनको आर्थिक वृद्धि ५ दशमलव २ प्रतिशत पुग्ने यसअघि अनुमान गरिएको भए पनि घटेर ४ दशमलव २ प्रतिशतमा झरेको छ । चिनियाँ रियल स्टेट लगानीकर्ताहरू हालैका वर्ष बढ्दो वित्तीय दबाबमा आएका छन्।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्