भुटानमा दुईजना नेपालीभाषी मन्त्री : अर्थमन्त्री बने लोकनाथ शर्मा, जयवीर राई शिक्षामन्त्री

कात्तिक १९, २०७५ सोमबार १६:१२:१० | उज्यालो सहकर्मी

काठमाडौं – भुटानमा चुनावपछि मन्त्रिपरिषदको विस्तार भएको छ । प्रधानमन्त्री डाक्टर लोटे छिरिङले १० सदस्यीय टोलीको मन्त्रिपरिषद् विस्तार गर्नुभएको हो ।

भुटान पूर्व, पश्चिम, दक्षिण भागबाट तीन–तीन जना मन्त्री बनेका छन् भने एकजना केन्द्रबाट व्यक्ति मन्त्री बनेका छन् । दशजना मन्त्रीमा दुईजना नेपाली ाषी पनि परेका छन् । नेपालीभाषी पनि मन्त्री बनेपछि त्यहाँ रहेका नेपालीलाई केही सहज हुने विश्वास गरिएको छ ।

४७ वर्षीय लोकनाथ शर्मा अर्थमन्त्री बनेका छन् । डुफुचेन–तेडिङ निर्वाचन क्षेत्रबाट उनी विजयी भएका हुन् । राजनीतिक यात्रा सुरु गर्नुभन्दा अगाडि उनी सडक सुरक्षा र सवारी प्राधिकरणको क्षेत्रीय प्रमुख रहेका थिए ।

४५ वर्षका जयवीर राई शिक्षा मन्त्री भएका छन् । उनी पनि नेपाली भाषी हुन् । उनी फुनसोलिङ निर्वाचन क्षेत्रबाट निर्वाचित भएका हुन् । उनी सन् २०१३ मा राजनीतिमा प्रवेश गरेका हुन् । राजनीतिमा प्रवेश गर्नुभन्दा अगाडि उनी सीईओ, कन्सल्टेन्टको प्रमुख, ट्रेनर तथा भुटानको रोयल युनिभर्सिटीका अर्थ क्षेत्रका अफिसर थिए ।

६३ वर्षका दासो सेरुब ग्याल्सेन गृहमन्त्री बनेका छन् । ५४ वर्षका यसे पेन्जोर कृषि तथा वन मन्त्री भएका छन् । ५० वर्षका डाक्टर तन्दी दोर्जी विदेशमन्त्री भएका छन् । ४२ वर्षका कर्मा दोनेन वाङ्दी सूचना तथा सञ्चार मन्त्री भएका छन् ।

४२ देचेन वाङमो एक मात्र महिला मन्त्री बनेकी छिन् । उनी स्वास्थ्यमन्त्री भएकी हुन् । ३९ नाम्गे छिरिङ वित्त मन्त्री बनेका छन् । ३९ वर्षका दोर्जी छिरिङ मानव व्यवस्थापन मन्त्री बनेकी छिन् ।

३२ वर्षका युगेन दोर्जी श्रममन्त्री बनेका छन् । प्रधानमन्त्री तथा मन्त्रीहरुले आउँदो नोबेम्बर ७ मा त्यहाँको राजासँग सपथ लिने तयारी छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्