बाघकाे आक्रमणबाट बर्दियामा महिलाकाे ज्यान गयाे

कात्तिक १७, २०८० शुक्रबार १९:२४:३२ | भावुक योगी

बर्दिया – पाटे बाघको आक्रमणबाट बर्दियाकाे मधुवन नगरपालिकामा एक महिलाको ज्यान गएको छ ।

आज शुक्रवार दिउँसो २ बजेतिर बाख्रा चराउन चिरौटे सामुदायिक वनमा जानु भएकी मधुवन–५ कि २८ वर्षीया गायत्री डाँगीको पाटे बाघको आक्रमणबाट ज्यान गएको वडाध्यक्ष दिलिप गुरुङले जानकारी दिनुभयो ।

महिलाको शव सामुदायिक वनभित्र भेटिएलगत्तै पोस्टमार्टमका लागि गुलरिया लगिएको सब डिभिजन वन कार्यालय सानोश्रीका सहायक वन अधिकृत सन्तोष चौधरीले जानकारी दिनुभयो ।

नेपाल–भारत सिमानामा पर्ने तथा भारतकाे कतर्नियाघाट वन्यजन्तु आरक्ष र नेपालकाे बर्दिया निकुञ्जका वन्यजन्तु ओहोरदोहोर गर्ने मुख्य मार्ग खाता जैविक मार्ग क्षेत्रमा पर्ने मधुवन नगरपालिका क्षेत्र आसपासका सामुदायिक वनमा पाटे बाघ आक्रमणका घटना बढ्दै जाँदा मानवीय क्षति बढेकाे छ । झन्डै चार वर्षको अवधिमा बर्दियामा ३० जनाले बाघकाे आक्रमणबाट ज्यान गुमाएका छन् । बर्दियामा मानव र बाघबीच द्वन्द्व बढ्दै गएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाघकाे आक्रमणबाट बर्दियामा महिलाकाे ज्यान गयाे

फाइल तस्बिर

तपाईको प्रतिक्रिया