जनशक्ति अभावका कारण प्रदेश सरकारले काम गर्न सकेन : मुख्यमन्त्री राउत

कात्तिक २०, २०७५ मंगलबार १९:२९:५२ | धनवीर महतो

महोत्तरी – प्रदेश नम्बर २ का मुख्यमन्त्री लालबाबु राउतले आवश्यक जनशक्तिको अभावको कारण प्रदेश सरकारले सोचेअनुसारको कामकाज गर्न नसकेको बताउनुभएको छ ।

मंगलबार गौशाला नगरपालिका ११ मा संघीय समाजवादी फोरम नेपालले आयोजना गरेको शुभकामना अदानप्रदान कार्यक्रमकाबीच मुख्यमन्त्री राउतले प्रदेशमा ५ हजार जनशक्तिको अभाव रहेको समयमा संघीय सरकारले २५ सयको हराहारीमा कर्मचारी पठाएकोले त्यो कर्मचारीले सन्तोषजनक रुपमा कार्यसम्पादन गर्न सम्भव नभएपछि प्रदेश सरकारले थप कर्मचारी भर्ना गर्न लागेको जानकारी दिनुभयो ।

मुख्यमन्त्री राउतले वर्तमान समयमा मदरसा शिक्षालाई रुपान्तरित गर्नुपर्नेमा जोड दिनुभयो । वर्तमान समयमा अब मदरसामा पनि नेपाली, विज्ञान, गणित, अंग्रेजीजस्ता विषयलाई समावेश गरी त्यहाँबाट वैज्ञानिक, इञ्जिनियर, डाक्टर उत्पादन हुने किसिमको शिक्षा दिनुपर्ने आवश्यक रहेको धारणा राख्नुभयो ।

मुख्यमन्त्री राउतले समाज परिवर्तनका लागि असहाय, गरिब, विपन्न र दलित समुदायको शैक्षिकस्तरमा सुधार गर्नुपर्ने आवश्यकता रहेको बताउनुभयो । मुख्यमन्त्री राउतले समाजले महिलालाई समान व्यवहार नगरेकोले प्रदेश सरकारले ‘बेटी पढाऔं, बेटी बचाऔं’ अभियान ल्याएको र अब सरकारले बेटीहरुलाई क्षमताअनुसार रोजगारीको समेत ग्यारेन्टी गरिने आश्वासन दिनुभयो ।

कार्यक्रमकाबीच प्रदेश नम्बर २ का आन्तरिक मामिला तथा कानुनमन्त्री ज्ञानेन्द्रकुमार यादवले प्रदेशभरि नै शान्ति सुरक्षा स्थापना गर्नका लागि मोबाइल एप्स ल्याएको जानकारी दिनुहुँदै आउँदो एक वर्षको अवधिमा प्रदेश नम्बर २ को सुरक्षालाई चुस्त दुरुस्त बनाइने प्रतिबद्धता जनाउनुभयो ।

त्यसै कार्यक्रमकाबीच संघीय सरकारका स्वास्थ्य राज्यमन्त्री डाक्टर सुरेन्द्रकुमार यादवले नेपालको हरेक वडामा स्वास्थ्य चौकी स्थापना गर्ने नेपाल सरकारको अवधारणा रहेको जनाउनुभएको छ ।

कार्यक्रमकाबीच प्रदेशसभा सांसद कौशलकुमार यादव, सोनमा गाउँपालिकाका प्रमुख राजकुमार यादव, गौशाला नगरपालिकाका मेयर शिवनाथ महतो, पार्टीका लक्ष्मी महतो लगायतका पार्टीका कार्यकर्ताहरुले कार्यक्रमलाई सम्बोधन गर्नुभएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्