विद्यार्थीले जन्मदिनमा मिठाई र चकलेटमा खर्च गर्दैनन्, फूलसहितको गमला लिएर विद्यालय पुग्छन्

मंसिर १४, २०८० बिहीबार १५:२९:२७ | उज्यालो सहकर्मी

खोटाङ – खोटाङको रावाबेँसी गाउँपालिका–१ कुभिन्डे दम्कुमा रहेकाे कालिका आधारभूत विद्यालयमा ‘जन्मदिनमा फूलसहितको गमला उपहार’ कार्यक्रम शुरु भएकाे छ । विद्यालयमा कार्यरत शिक्षक तथा विद्यार्थीले आ–आफ्नो जन्मदिनको अवसरमा विद्यालयलाई उपहार स्वरूप फूलसहितको गमला दिने कार्यक्रम शुरु भएकाे हाे । विद्यालयको सौन्दर्यकरणका लागि याे कार्यक्रम शुरु गरेको प्रधानाध्यापक टिकाराम राईले बताउनुभयाे ।

शिक्षक तथा विद्यार्थीको नाम र जन्ममिति उल्लेख गरिएको फूलसहितको गमला विद्यालयको पेटीमा लहर मिलाएर राख्ने गरिएको छ । जन्मदिनको नाममा मिठाई र चकलेटमा हुने खर्चले गमला किन्ने र फूलको बिरुवा सङ्कलन गरेर विद्यालयलाई उपहार दिनमा उपयोग गर्न विद्यालय व्यवस्थापन समितिकाे निर्णयअनुसार याे कार्यक्रम शुरु भएकाे हो ।

कुभिन्डे दम्कुमा रहेकाे कालिका आधारभूत विद्यालय

‘जन्मदिनमा अन्य शीर्षकमा हुने खर्चलाई सदुपयोग गर्नका लागि विद्यालयलाई फूलसहितको गमला उपहार दिने कार्यक्रम ल्याइएको हो’, प्रधानाध्यापक राईले भन्नुभयाे, ‘यो कार्यक्रम शुरु गरेपछि विद्यार्थीमा कहिले मेरो जन्मदिन आउँछ र फूलसहितको गमला ल्याउँ भनेर चासो बढेकाे पाइएको छ ।’

तरकारी खेतीमा रमाउँदै विद्यार्थी

२०३६ सालमा स्थापना भएको कालिका आधारभूत विद्यालयमा अहिले ५८ जना विद्यार्थी अध्यायनरत छन् । विद्यार्थीले इको हिमाल नामक संस्थाको सहयोगमा विद्यालय नजिकै तरकारी खेती पनि लगाएका छन् । मुला, बन्दाकोभी, फुलकोभी, प्याज लगायतको बिउ र बेर्ना पाएका विद्यार्थीले रोप्ने, मलजल गर्ने, गोडमेल गर्ने र बिक्री गर्ने गरेका छन् । गएकाे भदौदेखि तरकारी खेती लगाएका विद्यार्थीले तीन हजार रुपैयाँभन्दा बढीको तरकारी बिक्री गरिसकेका छन् । तरकारी खेती गर्ने क्रममा विद्यार्थीको उत्साहजनक सहभागिता रहने गरेको छ । घरमा काम गर्न अल्छी गर्ने विद्यार्थीसमेत विद्यालयको तरकारी खेतीको काममा अग्रसर हुने गरेको राईले बताउनुभयाे । विद्यालयले इको हिमालकै सहयोगमा दुई शय्याकाे किशोरी आराम कक्ष पनि स्थापना गरेको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विद्यार्थीले जन्मदिनमा मिठाई र चकलेटमा खर्च गर्दैनन्, फूलसहितको गमला लिएर विद्यालय पुग्छन्

जन्मदिनमा फूलसहितको गमला लिएर विद्यालय पुगेका छात्र प्रज्वल राई

तपाईको प्रतिक्रिया