१० लाख पर्यटक भित्र्याउने सरकारको लक्ष्य पूरा हुने सङ्केत

मंसिर १६, २०८० शनिबार ७:२३:१४ | उज्यालो सहकर्मी

काठमाण्डाै - ११ महिनामा ९ लाखभन्दा बढी पर्यटक भित्रिएपछि सरकारकाे सन् २०२३ मा १० लाख पर्यटक भित्र्याउने लक्ष्य पूरा हुने सङ्केत देखिएको छ ।

जनवरीदेखि नोभेम्बरसम्म ९ लाख १८ हजार पर्यटक भित्रिएका छन् । नोभेम्बरमा मात्रै १ लाख ८ हजार ६३० पर्यटक भित्रिएका नेपाल पर्यटन बोर्डले जनाएको छ । अघिल्लो वर्ष अर्थात् सन् २०२२ को नोभेम्बरमा ७२ हजार ६ सय ५३ जना पर्यटक नेपाल आएका थिए ।

यस्तै, कोरोना महामारी शुरु हुनुअघिको वर्ष सन् २०१९ को नोभेम्बरमा एक लाख ३० हजार तीन सय २ जना पर्यटक नेपाल आएका थिए । यसवर्ष नोभेम्बरमा सबैभन्दा बढी पर्यटक भित्रिने १० देशमा भारतबाट २४ हजार ४४३, अमेरिकाबाट ११ हजार ४६१, चीनबाट ७ हजार ६०१, बेलायतबाट ६ हजार १३८, अस्ट्रेलियाबाट ५ हजार ६०, थाइल्यान्डबाट ३ हजार ९६२, बङ्गलादेशबाट ३ हजार ७६१, जर्मनीबाट ३ हजार ५१२, श्रीलङ्काबाट ३ हजार २२८ र फ्रान्सबाट ३ हजार २०५ रहेका छन् ।

नेपाल भित्रिने पर्यटकमा सार्क राष्ट्रको हिस्सा ३० दशमलव ३ प्रतिशत, युरोपको २० दशमलव ९ प्रतिशत, सार्कबाहेक एसियाका देशको २० दशमलव ७ प्रतिशत, अमेरिकाको १२ प्रतिशत रहेको छ । कोभिड माहामारीअघि नेपालमा वार्षिक १२ लाख पर्यटक भित्रिने गरेका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्