युवाले सपना पूरा गर्न विदेश जानुपर्दैन, नेपालमै अवसर छ : अर्थमन्त्री महत

पुष ७, २०८० शनिबार १३:३४:० | उज्यालो सहकर्मी

काठमाण्डाै – अर्थमन्त्री डा. प्रकाशशरण महतले युवाले सपना पूरा गर्न विदेश जानु नपर्ने बताउनुभएको छ ।

आज शनिवार नेपाल उद्योग परिसङ्घ युवा उद्यमी मञ्चले आयोजना गरेको 'स्टार्टअप फेस्ट' २०२३ कार्यक्रममा अर्थमन्त्री महतले युवाले हरेक सपना पूरा गर्ने अवसर नेपालमै रहेको भन्दै सपना पूरा गर्न विदेश नै जानुपर्छ भन्ने मानसिकताबाट बाहिर आउन आवश्यक रहेको बताउनुभयो । उहाँले युवालाई देशभित्रै अवसर नै अवसर रहेको उल्लेख गर्नुभयो ।

अर्थमन्त्रीले ठूला विकसित देशमा नयाँ 'इनोभेसन' भएमात्रै नेपाली युवाले अवसर पाउने बताउनुभयो । उहाँले नेपालमा केही काम छैन र विदेशमा मात्रै छ भन्ने नकारात्मक मानसिकता तोड्न आवश्यक रहेको बताउनुभयो । उहाँले 'स्टार्टअप' उद्योगका लागि सरकारले बजेटमार्फत सहुलियतसमेत दिएको बताउनुभयो । नेपालमा सूचना प्रविधि (आईटी) क्षेत्रमा ठूलो सम्भावना रहेकाले युवा त्यस क्षेत्रतर्फ लाग्न आवश्यक रहेको उहाँकाे भनाइ छ ।

उहाँले भन्नुभयो, ‘अहिले युवा विदेश जाने प्रणाली विकास भएको छ । त्यसलाई रोक्न पनि आईटी क्षेत्रको प्रवर्द्धन गर्न आवश्यक छ । अहिले ४० प्रतिशतभन्दा बढी युवा आईटी क्षेत्रमा जोडिनुभएको छ । विदेशमा अध्ययनका लागि पूर्ण छात्रवृत्ति आउँछ भने त्यस्ताे अवस्थामा जान आवश्यक हुन्छ । तर कुनै छात्रवृत्ति छैन र आकर्षक विज्ञापन गरेको आधारमा युवा विदेश गइरहेका छन् । त्यसरी गएकाहरूकाे बेहाल छ । विदेशमा सबैका लागि सहज छैन । अहिले १२ कक्षा पढेपछि बाहिर जाने क्रम चलेको छ । युवाले नै यसलाई रोक्न अग्रसर हुनुपर्छ । नेपालमा नै धेरै अवसर छन् । नेपालमा अझै धेरै गर्न बाँकी भएको हुनाले यही नै अवसर छ । नेपालमा केही काम छैन, विदेशमा मात्रै छ भन्ने नकारात्मक प्रचार भइरहेको छ ।’

अर्थमन्त्री महतले विभिन्न समस्याबाट गुज्रिएको अर्थतन्त्र सकारात्मकरूपमा सुधार हुँदै गएको दाबी गर्नुभयो । उहाँले अर्थतन्त्र सकारात्मक बाटोमा रहेको भन्दै अब जम्मा भएको पुँजीलाई चलायमान बनाउन आवश्यक रहेको बताउनुभयाे ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

युवाले सपना पूरा गर्न विदेश जानुपर्दैन, नेपालमै अवसर छ : अर्थमन्त्री महत

फाइल फाेटाे

तपाईको प्रतिक्रिया