वित्तीय साक्षरता कक्षाको प्रभाव : रेमिट्यान्स सदुपयोग गर्न गाउँमा जाँडरक्सी निषेध

पुष १९, २०८० बिहीबार ७:२४:१८ | रामकुमार थापा

काठमाण्डाै - धादिङको नीलकण्ठ नगरपालिका वडा नम्बर १४ मा गठन भएको मानेगाउँ वित्तीय साक्षरता तथा मनोसामाजिक परामर्श कक्षाका सहभागीहरुले गाउँमा जाँडरक्सी निषेध गरेका छन् ।

वैदेशिक रोजगारीबाट आउने रेमिट्यान्सलाई सही प्रयोग गर्ने उद्देश्यले उनीहरुले गाउँमा जाँडरक्सी निषेध गरेका हुन् । नीलकण्ठ नगरपालिकाले सञ्चालन गरेको सुरक्षित आप्रवासन सामी कार्यक्रम अन्तर्गत २१ हप्तासम्म वित्तीय साक्षरता कक्षामा बसेपछि उनीहरुले यस्तो काम गरेका हुन् ।

वैदेशिक रोजगारीमा गएका परिवारलाई लक्षित गरी गठन गरिएको समूहमा आम्दानी, खर्च, कर्जा, कर योजना, बीमा, बचत तथा लगानी जस्ता वित्तीय क्षेत्रका महत्त्वपूर्ण विषयहरूमा छलफल भएपछि उनीहरुले जाँडरक्सी निषेध गर्ने निर्णय हुन् । यो घोषणापछि जनजाति र दलित बस्ती रहेको मानेगाउँमा अब जाँडरक्सी बेचबिखन तथा खान पाइँदैन ।

गाउँमा जाँडरक्सी आयात तथा बिक्री वितरणमा बन्द गर्ने, अटेरी गर्नेलाई कारबाही स्वरुप शुरुमा जरिबाना गर्ने र दुई पटकभन्दा बढी खाने गरेको पाइए प्रहरीलाई खबर गरी बुझाउने र कसैले कोशेली स्वरुप ल्याउन परे वा अन्यन्त्र लैजान परे महिला समूहसँग सल्लाह गरी अनुमतिमा मात्र ल्याउन वा लैजान पाउने निर्णय पनि भएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामकुमार थापा

थापा धादिङको नीलकण्ठ नगरपालिकाकाे वरिष्ठ मनोविमर्शकर्ता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्