काठमाण्डाै -  राष्ट्रिय सभाको चुनावलाई लिएर सिट बाँडफाँटका लागि बसेकाे सत्तारुढ गठबन्धनकाे बैठक विनानिष्कर्ष टुङ्गिएकाे छ । 

बिहीवार आज प्रधानमन्त्रीको सरकारी निवास बालुवाटारमा बसेको सत्तारुढ गठबन्धनका चार दलहरुको बैठकले सिट बाँटफाँटको विषय  टुङ्ग्याउन नसकेको हो । 

नेपाली कांग्रेसका प्रमुख सचेतक रमेश लेखकले आज बेलुका वा शुक्रवार बिहान पुनः बस्नेगरी बैठक सकिएको जानकारी दिनुभएकाे छ । उहाँले नेपाली कांग्रेस, नेपाल कम्युनिष्ट पार्टी (माओवादी केन्द्र), जनता समाजवादी पार्टी र नेपाल कम्युनिष्ट पार्टी (एकीकृत समाजवादी) का नेताहरुको बीचमा छलफल भए पनि सिट बाँटफाँटको विषय टुङ्गिन नसकेकाे बताउनुभयाे । 

प्रमुख सचेतक लेखकले एमालेसँग समसामयिक राजनीतिक विषयमा छलफल भइरहेको जानकारी दिनुभएकाे छ ।