बन्द बोतलभित्र राखिएको पानीमा प्लास्टिकका लाखौँ कण हुने अध्ययनको पुष्टि

माघ ३, २०८० बुधबार ७:६:३३ | उज्यालो सहकर्मी

काठमाण्डौ – बन्द बोतलभित्र राखिएको पानीमा प्लास्टिकका लाखौँ कण हुने एक अध्ययनले पुष्टि गरेको छ । अमेरिकाको कोलम्बिया विश्वविद्यालय र रटगर्स विश्वविद्यालयका वैज्ञानिकहरूले गरेको अध्ययनमा एक लिटर पानीमा औसत २ लाख ४० हजार प्लास्टिकका कण भेटिएको हो ।

तीन ठूला उद्योगबाट उत्पादित बोतलको पानीमा गरिएको अध्ययनका क्रममा प्रतिलिटर १ लाख १० हजारदेखि ३ लाख ७० हजारसम्म प्लास्टिकका कण भेटिएका छन् । तर वैज्ञानिकहरूले ती उद्योगको नाम भने उल्लेख गरेका छैनन् । यसमध्ये ९० प्रतिशत बोतलको पानीमा नानो प्लास्टिकका कण र बाँकीमा माइक्रोप्लास्टिकका कण भेटिएका छन् ।

बजारमा सहजै किन्न पाइने बोतलको पानीमा भेटिएका नानो प्लास्टिकका कणहरू फोक्सो र पाचन प्राणालीमार्फत रगतमा मिसिएर मस्तिष्क तथा मुटुसम्म पुग्ने र सबै अङ्गलाई प्रभावित पार्ने वैज्ञानिकहरूले बताएका छन् ।

गर्भावस्थामा विकसित हुने अङ्ग ‘प्लेसेन्टा’ मार्फत यस्ता प्लास्टिकका कण बच्चाको शरीरमा पुग्ने हुँदा शिशुलाई समेत गम्भीर असर पुग्ने अध्ययनमा उल्लेख छ । अध्ययनअनुसार धारा, नल तथा पाइपको पानीभन्दा बोतलभित्रको पानीमा प्लास्टिकको कण धेरै हुने गर्छ ।

वैज्ञानिकहरूले प्लास्टिकको बोतलमा प्याक गरिने पानीमा पहिलेको तुलनामा धेरै गुणा बढी प्लास्टिकको कण फेला परेको र यो विश्वका लागि चिन्ताको विषय भएको बताएका छन् ।

संयुक्त राष्ट्र सङ्घका अनुसार मानिसले हरेक वर्ष ४४ करोड टनभन्दा बढी प्लास्टिक उत्पादन गर्छ । झन्डै ८० प्रतिशत प्लास्टिक ल्यान्डफिल या वातावरणमा पुग्ने गरेको वैज्ञानिकहरूले बताएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्