अमेरिकी स्टक एक्सचेन्जमा नेपाली कम्पनीले पनि कारोबार गर्ने

माघ १०, २०८० बुधबार १५:५:५७ | रासस

काठमाण्डाै – नेपाली उद्यमी डा. समीर मास्केले स्थापना गर्नुभएको कम्पनी 'फ्युजमेसिन्स' अमेरिकाको स्टक एक्सचेन्ज 'नास्डक' मा सूचीकृत हुने भएको छ ।

'आर्टिफिसियल इन्टेलिजेन्स' (कृत्रिम बौद्धिकता–एआई) सँग सम्बन्धित काम गर्दै आएको कम्पनी 'फ्युजमेसिन्स' र 'सीएसएलएम एक्विजिसन कर्प' बीच 'नास्डक' मा सूचीकृत हुने गरी मर्जर सम्झौता भएको छ । मर्जरपछि कम्पनीको मूल्याङ्कन २ सय मिलियन डलर बराबरको हुने अपेक्षा गरिएको छ ।

कम्पनीका संस्थापकसमेत रहनुभएका प्रमुख कार्यकारी अधिकृत डा. मास्केका अनुसार 'सीएसएलएम' कम्पनीसँगको सहकार्यपछि कम्पनी 'फ्युज' नामबाट 'नास्डाक' मा सूचीकृत हुनेछ । यो प्रक्रिया सन् २०२४ को दोस्रो त्रैमाससम्म पूरा हुनेछ । अहिले यो सम्झौतालाई दुवै कम्पनीको सञ्चालक समितिले सर्वसम्मतिले पारित गरिसकेको छ भने अब शेयरधनीहरूको स्वीकृति र आवश्यक कानुनी प्रक्रिया पूरा गरेपछि कम्पनी 'नास्डाक' मा सूचीकृत हुनेछ ।

अमेरिकाको कोलम्बिया विश्वविद्यालयमा सहप्राध्यापकसमेत रहनुभएका डा. मास्केले सन् २०१३ मा 'फ्युजमेसिन्स' कम्पनी स्थापना गर्नुभएको थियो । अहिले 'फ्युजमेसिन्स' कम्पनीले नेपाल, अमेरिका र क्यानाडाका विभिन्न कम्पनी तथा संस्थासँग काम गरिरहेको छ । कम्पनीमा कार्यरत ४ सय ५० जना कर्मचारीमध्ये ३ सय ५० जनाले नेपालबाट काम गरिरहेका उहाँले बताउनुभयो ।

डा. मास्केले कम्पनीको संस्थापकका रूपमा विश्वको प्रमुख वित्तीय साधन परिचालन गर्ने निकाय 'नास्डाक' मा सूचीकृत भएर कारोबार गर्न पाउनु कम्पनीका लागि कोशेढुङ्गा नै भएको बताउनुभयो ।

सम्झौताअनुसार 'सीएलएलएम' मा आबद्ध भएकाहरूले 'पाइप फाइनान्सिङ' र 'प्रिक्लोजिङ फाइनान्सिङ' गरी मिश्रित ढङ्गले ‘फ्युजमेसिन्स’ मा १९ दशमलव ४४ मिलियन डलरसम्म लगानीको प्रतिबद्धता जनाएका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्