पाँचथरको अमरपुरबाट ताप्लेजुङको ढुङ्गेसाँघुसम्मको डबल सर्किट प्रसारण लाइन निर्माण शुरु

माघ २३, २०८० मंगलबार १५:१०:४६ | उज्यालो सहकर्मी

काठमाण्डाै – नेपाल विद्युत् प्राधिकरणले पाँचथरको अमरपुर सबस्टेशनबाट ताप्लेजुङको ढुङ्गेसाँघु सबस्टेशनसम्मको अमरपुर–ढुङ्गेसाँघु १३२ केभी डबल सर्किट प्रसारण लाइन निर्माण शुरु गरेको छ ।

झापाको दमक सबस्टेशनबाट अमरपुर सबस्टेशनसम्मको काबेली करिडोर प्रसारण लाइन र सुनसरीको इनरुवा सबस्टेशनबाट सङ्खुवासभाको वसन्तपुर हुँदै ढुङ्गेसाँघुसम्मको कोशी करिडोर २२० केभी प्रसारण लाइनलाई एकआपसमा आबद्ध गर्न अमरपुर–ढुङ्गेसाँघु लाइन निर्माण शुरु गरिएको हो । कोशी करिडोरअन्तर्गत वसन्तपुर–इनरुवा खण्ड सञ्चालनमा आइसकेको छ । वसन्तपुर–ढुङ्गेसाँघु खण्ड निर्माण अन्तिम चरणमा छ । काबेली करिडोर सञ्चालनमा छ ।

पाँचथरको हिलिहाङ गाउँपालिका अध्यक्ष, वडाध्यक्ष, स्थानीयवासीलगायतको उपस्थितिमा अमरपुर–ढुङ्गेसाँघु १३२ केभी प्रसारण लाइनको टावर निर्माण शिलान्यास गरिएको छ । १९ किलोमिटर प्रसारण लाइनमा ६७ वटा टावर निर्माण गर्नुपर्नेछ । प्रसारण लाइनबाट दुई सय मेगावाट बिजुली प्रवाह गर्न सकिने छ ।

काबेली नदी जलाधार क्षेत्रमा निर्माण भएका र हुने जलविद्युत् आयोजनाहरूको बिजुलीलाई विश्वसनीय तथा प्रभावकारीरूपमा प्रवाह गर्न अमरपुर–ढुङ्गेसाँघु १३२ केभी प्रसारण लाइन निर्माण शुरु गरेको आयोजना प्रमुख अनुप गौतमले बताउनुभयो । यसले पूर्वी नेपालको राष्ट्रिय प्रसारण ग्रिडको विश्वसनीयता बढ्नुका साथै स्थानीय बिजुली आपूर्ति पनि विश्वसनीय, गुणस्तरीय र सुदृढ बन्ने छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्