धितोपत्र बजारमा सूचीकृत कम्पनीमा हुने विदेशी लगानी स्वीकृत गर्नु नपर्ने

 माघ २८, २०८० आइतबार ९:१९:१५ | उज्यालो सहकर्मी
unn.prixa.net

काठमाण्डौ – धितोपत्र बजारमा सूचीकृत कम्पनीमा हुने विदेशी लगानीमा राष्ट्र बैङ्कको स्वीकृति आवश्यक नपर्ने भएको छ । विदेशी लगानी तथा विदेशी ऋण व्यवस्थापन विनियमावली, २०७८ को तेस्रो संशोधनमार्फत् राष्ट्र बैङ्कले धितोपत्र बजारमा सूचीकृत कम्पनीमा हुने विदेशी लगानीमा राष्ट्र बैङ्कको स्वीकृति नचाहिने व्यवस्था गरेको हो । 

यस्तै नेपाली उद्योगमा कायम रहेका कुल नेपाली सेयरधनीको सेयर धारण अनुपात नघट्ने गरी हुने विदेशी लगानी र औद्योगिक व्यवसाय ऐन, २०७६ बमोजिमको रुग्ण उद्योगको विदेशी लागानीमा पनि राष्ट्र बैङ्कको स्वीकृति नचाहिने राष्ट्र बैंकले जनाएको छ ।

संशोधित विनियमावलीका अनुसार धितोपत्र बजारमा सूचीकृत कम्पनीमा हुने विदेशी लगानीमा सेयर स्वामित्व परिवर्तन भए पनि राष्ट्र बैङ्कको स्वीकृति आवश्यक पर्दैन । विदेशी लगानीकर्ताले विदेशी लगानी स्वीकृति गर्ने निकायबाट विदेशी लगानीको स्वीकृतिपछि विदेशी मुद्रा भित्र्याउनुु वा पठाउनु पहिले लिखित जानकारी दिनुपर्ने राष्ट्र बैंकले संशोधन गरेको नयाँ व्यवस्थामा उल्लेख छ । 

अन्तिम अपडेट: फागुन १७, २०८०

तपाईको प्रतिक्रिया