जमुनाह–सुर्खेत–हिल्सा फाष्ट ट्रयाकको प्रारम्भिक सर्वे सुरु

कात्तिक २७, २०७५ मंगलबार १९:२८:९ | मुना हमाल

सुर्खेत – कर्णाली प्रदेश सरकारले पहिलो प्राथमिकतामा रहेको जमुनाह–सुर्खेत–हिल्सा फाष्ट ट्रयाकको प्रारम्भिक सर्वे सुरु भएको छ ।

मंगलबार कर्णाली प्रदेशका मुख्यमन्त्री महेन्द्रबहादुर शाहीसहित चिनियाँ रेलवे कम्पनीको इञ्जिनियरको टोली हिल्सा पुगेको थियो । जमुनाह–सुर्खेत–हिल्सा जोड्ने सडकको प्रारम्भिक सर्वेका लागि चीनको सिचुवाङ्ग प्रान्तको रेलवे कम्पनीसँग कर्णाली प्रदेश सरकारले सम्झौता गरेको छ ।

त्यसै सम्झौता अनुसार चीनको सिचुवाङ्ग प्रान्तको रेलवे कम्पनीको इञ्जिनियर टोलीले जमुनाहदेखि हिल्सासम्म हेलिकप्टर मार्फत प्रारम्भिक सर्वे गरेको हो । जमुनाह–हिल्सा फाष्ट ट्रयाकको सर्वेका लागि रेलवे कम्पनीका इञ्जिनियर, विज्ञसहित १३ जनाको टोलीले अब ६ महिनासम्म सम्भव्ययता अध्ययन गर्नेछ ।

मंगलबार पहिलो पटक प्राविधिक टोलीसहित प्रदेश सरकारले हेलिकप्टर मार्फत सर्वे गरिएको र अब प्राविधिक टोलीले स्थलगत अध्ययन गर्ने सामाजिक विकास मन्त्री दल रावलले जानकारी दिनुभयो । उहाँले भोलीदेखि नैै स्थलगत अध्ययन गर्ने बताउनुभयो ।

कर्णाली प्रदेश सरकारले नीति तथा कार्यक्रममा जमुनाह–हिल्सा फाष्ट ट्रयाकलाई प्राथमिकता दिएको र यसको काम अगाडि बढाउन पूर्व सम्भाव्यता अध्ययनको काम सुरु गरिएको मन्त्री रावलको भनाई छ ।

‘यो फाष्ट ट्रयाक हाम्रो मात्र प्राथमिकतामा नभएर चीनको पनि प्राथमिकतामा परेको छ । मानसरोबर कैलाशसम्म जाने पर्यटकीय गन्तव्य भएकाले पनि यसमा चीनको चासो पनि रहेको छ’, सामाजिक विकास मन्त्री रावलले भन्नुभयो, ‘प्राविधिक टोलीले अबको ६ महिनाभित्र सर्वे गरिसकेपछि प्रतिवेदन हामीलाई बुझाउँछ र हामी यसको काम अगाडि बढाउँछौँ ।’

जमुनाह–सुर्खेत–हिल्सा फाष्ट ट्रयाकको प्रारम्भिक सर्वे सुरुको पहिलो दिन मंगलबार कर्णाली प्रदेशका मुख्यमन्त्री महेन्द्रबहादुर शाही, आर्थिक मामिला तथा योजना मन्त्री प्रकाश ज्वाला, भौतिक पूर्वाधार मन्त्री खड्क खत्री, सामाजिक विकास मन्त्री दलरावल र नेपाली कांग्रेसका संसदीय दलका नेता जीवनबहादुर शाहीसहित चीनका इञ्जिनियरको टोलीको सहभागिता रहेको थियो । टोली हिल्सा पुगेर वीरेन्द्रनगर फर्किसकेको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्