विश्वका एक अर्बभन्दा धेरै मानिसमा मोटोपनाको समस्या

फागुन १८, २०८० शुक्रबार १८:२७:१७ | एजेन्सी

विश्वका एक अर्बभन्दा धेरै मानिसमा मोटोपनाको समस्या देखिएको छ । 'द लान्सिट जर्नल' मा भर्खरै प्रकाशित एउटा शोधपत्रका अनुसार सन् २०२२ मा ८८ करोड वयस्क र १५ करोड ९० लाख बालबालिका गरी एक अर्ब तीन करोड ९० लाख मानिसमा मोटोपनाको समस्या देखिएको हो ।

सन् १९९० को तथ्याङ्कसँग तुलना गर्दा मोटोपना हुने समसया वयस्कमा दुई गुणा र बालबालिकामा चार गुणाले बढेको छ । विश्व स्वास्थ्य सङ्गठन (डब्ल्यूएचओ) सँगको समन्वयमा एक हजार पाँच सय अनुसन्धानकर्ताहरूले विश्वभरिका २२ करोड मानिसको तौल र उचाइ अध्ययन गरेर प्रतिवेदन बनाएका हुन् ।

वरिष्ठ अनुसन्धानकर्ता तथा बेलायतको 'इम्पेरिअल कलेज' का प्राध्यापक मजिद इजाटीले मोटोपनामा अस्वस्थकर खानाको उपलब्धता मुख्य कारण रहेको बताउनुभएको बीबीसीले जनाएको छ ।

डब्ल्यूएचओका महानिर्देशक टेड्रस एड्हानम गेहब्रेयससले नयाँ अध्ययनले मोटोपनाबाट जोगिन जीवनको शुरुवातदेखि वयस्क हुँदासम्म नै उचित आहार, शारीरिक क्रियाकलाप र हेरचाह महत्त्वपूर्ण रहेको देखिएको बताउनुभयो ।

उहाँले स्वस्थकर खानालाई सुलभ बनाउन र शारीरिक गतिविधि बढाउन प्रोत्साहन आह्वान गर्नुभएको बीबीसीले जनाएको छ । मोटोपनाका कारण मुटुरोग, मधुमेह, क्यान्सर लगायतका कैयौँ स्वास्थ्यसम्बन्धी गम्भीर समस्या उत्पन्न हुन सक्ने विश्व स्वास्थ्य सङ्गठनले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विश्वका एक अर्बभन्दा धेरै मानिसमा मोटोपनाको समस्या

फाइल फाेटाे

तपाईको प्रतिक्रिया