महोत्तरीको जलेश्वरमा शहीदहरुको शालिक अनावरण

कात्तिक २९, २०७५ बिहीबार १७:१५:३७ | धनवीर महतो

महोत्तरी – महोत्तरीको जलेश्वरमा तेस्रो मधेश आन्दोलनको क्रममा सहादत प्राप्त भएका शहीदहरुको शालिक स्थापित भएको छ ।

आन्दोलनको क्रममा विभिन्न स्थानमा सहादत प्राप्त गर्नु भएका गणेश चौधरी, रोहन चौधरी, विरेन्द्र विच्छा, अमित कापर, रामशिला मण्डल, रामविवेक यादवको शालिक जलेश्वरस्थित शहीद वाटिकामा निर्मित भएको हो ।

प्रदेश नं. २ का मुख्यन्यायाधीवक्ता दिपेन्द्र झाको आर्थिक सहयोगमा निर्मित शालिकको अनावरण मुख्यमन्त्री लालबाबु राउतले गर्नुभएको हो ।

शालिक अनावरण समारोहलाई सम्बोधन गर्नुहुँदै मुख्यमन्त्री राउतले प्रदेश सरकार शहीदहरुको सपना सकार पार्नका लागि तत्पर रहेकाले उनीहरुले देखाएको पथप्रर्दशकलाई मनन गर्दै प्रदेश सरकार हिँड्नका लागि तयार रहेको धारणा राख्नुभयो ।

शहीदहरुको बलिदानीकै कारण मुलुकमा संघीयता स्थापित भएकोले उनीहरुको सहादतलाई प्रदेश सरकारले खेर जान नदिनेमा मुख्यमन्त्री राउतले प्रतिवद्धता जनाउनुभयो ।

जलेश्वर नगरपालिकाका मेयर रामशंकर मिश्रको अध्यक्षतामा सम्पन्न भएको कार्यक्रममा राजपा अध्यक्ष मण्डलका संयोजक महन्थ ठाकुर, राष्ट्रिय सभाका सदस्य वृषेशचन्द्र लाल, राजनीतिक विश्लेषक सिके लाल, मुख्य न्यायाधीवक्ता दिपेन्द्र झासहितका वक्ताहरुले सम्बोधन गर्नु भएको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्