पोखरा विमानस्थल बनाउन चीनबाट लिएकाे ऋण अनुदानमा बदल्न पहल थालेका छाैँ : प्रधानमन्त्री

चैत ६, २०८० मंगलबार १६:१७:४० | उज्यालो सहकर्मी

काठमाण्डाै – प्रधानमन्त्री पुष्पकमल दाहाल प्रचण्डले पोखरा क्षेत्रीय अन्तर्राष्ट्रिय विमानस्थल निर्माणका लागि चीनबाट लिएकाे ऋण अनुदानमा बदल्न पहल थालेको बताउनुभएको छ ।

प्रतिनिधि सभाकाे आजकाे बैठकमा सांसदले सोधेका प्रश्नको उत्तर दिँदै प्रधानमन्त्री प्रचण्डले चीनको एक्जिम बैंकबाट लिएको ऋणलाई अनुदानमा रूपान्तरण गर्न सरकारले कुटनीतिक पहल थालेको बताउनुभएको हो ।

सरकारले चीनको एक्जिम बैंकबाट पाँच प्रतिशत ब्याजदरमा २२ अर्ब रुपैयाँ ऋण लिएको छ । चिनियाँ मुद्राको सटही दर बढ्दा अहिले यो ऋण २७ अर्ब रुपैयाँ हाराहारी पुगेको छ । सरकारले यो ऋण २० वर्षभित्र चीनलाई तिर्नुपर्ने हुन्छ । तर पोखराबाट अन्तर्राष्ट्रिय उडान नहुँदा आम्दानी नभएकाले किस्ता तिर्न सरकारलाई हम्मेहम्मे परिरहेको छ । विमानस्थल सञ्चालनमा आए पनि अन्तर्राष्ट्रिय उडान नभएकाले ऋण र ब्याज भुक्तानीको मापदण्ड संशोधन गर्न चिनियाँ पक्षलाई आग्रह गरेकाे सरकारले बताएको छ ।

उहाँले भन्नुभयाे, ‘पोखरा अन्तर्राष्ट्रिय विमानस्थल निर्माणका लागि लिइएको ऋणलाई अनुदानका रूपमा रूपान्तरण गर्न कुटनीतिक पहल गरिएको छ । यससँग जोडिएका वित्तीय व्यवस्थापनका विषयमा आवश्‍यक समन्वय गरिनेछ ।’

प्रधानमन्त्री प्रचण्डले पोखराबाट अन्तर्राष्ट्रिय उडान बढाउनका लागि सार्वजनिक निजी साझेदारीमा विमानस्थल चलाउनेगरी समिति बनेको र समितिको सुझावका आधारमा थप कदम चालिने पनि बताउनुभयो । आफ्नो चीन भ्रमणका क्रममा चीनका विभिन्न सहरबाट पोखरामा सिधा उडानका लागि छलफल भएको भन्दै प्रचण्डले थप पहल गर्ने पनि बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पोखरा विमानस्थल बनाउन चीनबाट लिएकाे ऋण अनुदानमा बदल्न पहल थालेका छाैँ : प्रधानमन्त्री

तस्बिर : रासस

तपाईको प्रतिक्रिया