आधिकारिक सूचना नआएसम्म जापानको रोजगारीका कारोबार नगर्न आग्रह

पुष १६, २०७५ सोमबार १७:१७:२३ | उज्यालो सहकर्मी

काठमाडौं – वैदेशिक रोजगार व्यवसायी संघले जापानको रोजगारीका लागि भन्दै कसैसँग कुनै कारोबार नगर्न आग्रह गरेको छ ।

जापानले विदेशी कामदार लाने खबर सार्वजनिक भएपछि यही बहानामा ठगि हुन सक्ने भन्दै संघले नेपाली कामदार जापान पठाउने प्रक्रिया सम्बन्धी आधिकारिक सूचना जारी नभएसम्म कुनै संस्था वा व्यक्तिसँग जापानको रोजगारीको नाममा कुनै पनि कारोबार नगर्न नगराउन आग्रह गरेको हो ।

संघका अध्यक्ष रोहन गुरुङद्वारा जारी विज्ञप्तिमा जापानमा कामदार पठाउन नेपाल सूचिकृत भएपनि दुई देशबीच सहमति पत्रमा हस्ताक्षर नभएको अवस्थामा अहिले नै आवश्यकताभन्दा बढी चर्चा गर्नु ठिक नहुने उल्लेख छ ।

यस्तै संघले केही सञ्चारमाध्यमले भ्रमपूर्ण समाचार सम्प्रेषण गरेको भन्दै त्यसप्रति ध्यानकर्षण भएको पनि जनाएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)