मलेसिया जाने कामदारको स्वास्थ्य परीक्षण गर्ने संस्थालाई सूचीकरणको लागि १५ दिनको म्याद

चैत १८, २०७५ सोमबार १०:४०:४ | उज्यालो सहकर्मी

काठमाण्डौ – सरकारले वैदेशिक रोजगारीको लागि मलेसिया जाने कामदारको स्वास्थ्य परीक्षणका लागि सूचीकरण हुन १५ दिनको समय दिएको छ ।

श्रम, रोजगार तथा सामाजिक सुरक्षा मन्त्रालयले सोमबार सूचना निकालेर मलेसिया जाने श्रमिकहरुको स्वास्थ्य परीक्षण गर्ने संस्थाहरुलाई सूचीकरण हुन भनेको हो ।

मन्त्रालयले वैदेशिक रोजगार नियमावली (चौथो संशोधन), २०६४ को नियम ४५ क बमोजिम सूचीकरण भएका र सूचीकरणको लागि मापदण्ड पूरा गरी सूचीकृत हुन चाहने स्वास्थ्य संस्थाहरुलाइर्ए रीतपूर्वकको निवेदन दिन आग्रह गरेको छ ।

मलेसिया सरकारले स्वास्थ्य परीक्षणको मापदण्ड पठाएपछि सरकारले सूचीकरणको लागि आह्वान गरेको हो । योसँगै मलेसियामा कामदार पठाउँदा स्वास्थ्य परीक्षण गर्दै आएका संस्थाहरुको सिण्डिकेट विधिवत रुपमै अन्त्य भएको छ ।

झण्डै साढे १० महिनादेखि बन्द मलेसियाको रोजगारी पनि सोमबारदेखि नै खुलेको छ । पहिलो चरणमा कलिङ भिसा आएकाको श्रम स्वीकृति सुरु हुँदैछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)