दूतावास नभएका देशमा भर्चुअल दूतावासको अवधारणामा सेवा प्रवाह गरिने

जेठ १५, २०७९ आइतबार १८:३९:५९ | उज्यालो सहकर्मी

काठमाण्डौ – नेपाली दूतावासहरू नभएका देशमा भर्चुअल दूतावासको अवधारणा अनुसार सेवा प्रवाह गरिने भएको छ ।

अर्थमन्त्री जनार्दन शर्माले आर्थिक वर्ष २०७९/८० को बजेट प्रस्तुत गर्दै भौतिक रूपमा दूतावास नभएका देशमा भर्चुअल दूतावासको अवधारणा अनुसार सेवा प्रवाह गरिने बताउनुभएको हो ।

यस्तै आवश्यकता अनुसार विदेशमा रहेको नेपाली नियोगहरूको सङ्ख्यामा पनि पुनरावलोकन गरिने भएको छ ।

बजेटमार्फत अर्थमन्त्री शर्माले विद्युतीय राहदानीलाई सरल र सहजरूपमा प्रवाह गर्न राहदानी विभाग, जिल्ला प्रशासन कार्यालय र विदेशस्थित नेपाली नियोगहरूमा आवश्यक स्रोतको व्यवस्था गरिने पनि बताउनुभएको छ भने कन्सुलर सेवा पनि थप प्रभावकारी बनाइने भएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)