काठमाण्डाै – वेस्ट इन्डिज 'ए' टाेलीसँगकाे पाँच खेलकाे टी–२० क्रिकेट शृङ्खलाकाे पहिलाे खेलमा नेपालले टस जितेकाे छ ।

कीर्तिपुरकाे त्रिवि क्रिकेट मैदानमा टस जितेर नेपालका कप्तान राेहितकुमार पाैडेलले पहिला बलिङ गर्ने निर्णय लिएका छन् । आजकाे खेलमा नेपाली टाेलीमा कुशल भुर्तेल, अनिलकुमार शाह, रोहितकुमार पौडेल, गुल्सन झा, दीपेन्द्रसिंह ऐरी, कुशल मल्ल, विवेक यादव, प्रतिश जिसी, कमलसिंह ऐरी, ललित राजवंशी र अभिनाश बोहोरा छन् ।

टी–२० क्रिकेट शृङ्खलाकाे दोस्रो खेल भाेलि आइतवार, तेस्रो खेल बुधवार, चौथो खेल बिहीवार र पाँचौँ तथा अन्तिम खेल शनिवार हुनेछ । सबै खेल कीर्तिपुरमै हुनेछ ।

नेपालले आईसीसी टी–२० विश्वकपको तयारी स्वरूप वेस्ट इन्डिज ‘ए’ सँग पाँच खेलको शृङ्खला खेल्न लागेको हो । यो शृङ्खलापछि नेपाली टोली टी–२० विश्वकप खेल्न अमेरिका जानेछ । वेस्ट इन्डिज पहिलो पटक नेपाल भ्रमणमा आएको हो ।