डोजर लगाएपछि बाग्लुङका ताल सुक्दै

जेठ ११, २०८१ शुक्रबार १५:१९:२४ | रासस

बाग्लुङ – संरक्षणका नाममा डोजर लगाउँदा बाग्लुङमा रहेका ताल सुक्दै गएका छन् । गाउँपालिका तथा नगरपालिकाले संरक्षणका लागि भन्दै तालबीचमै डोजर लगाएपछि तालहरू सुक्न थालेका हुन् ।

जैमिनी नगरपालिका वडा नम्बर ३ मा रहेको गाजाको दह, ढोरपाटन नगरपालिका नम्बर ९ मा रहेको रुद्र ताल, काठेखोला गाउँपालिका वडा नम्बर ४ मा रहेको खोर ताल र तमानखोला गाउँपालिका वडा नम्बर २ मुठाचौरमा रहेको बराह ताल सुक्न थालेका हुन् ।

२०७८ सालमा गाजाको दहमा डोजर लगाएर तालको क्षेत्रफल विस्तार गरिएको थियो । तालको क्षेत्र विस्तारपछि झन्डै ४० प्रतिशत पानी घटेको स्थानीय बताउँछन् ।

काठेखोला–४ तङ्गाममा रहेको खोर ताल पाँच वर्ष अगाडिसम्म पानीले भरिभराउ थियो । अघिल्लो वर्ष गाउँपालिकाले डोजर लगाएर कङ्क्रिटको पर्खाल लगाएपछि ताल सुकेको स्थानीय गङ्गाबहादुर किसानले बताउनुभयो ।

रुद्र तालमा नगरपालिकाले छ वर्ष अगाडि डोजर लगाएपछि अहिले पानी निकै कम भएको छ । तमानखोला–२ मुठाचौरमा रहेको बराह तालमा पनि पानीको मात्रा घटेको स्थानीय बताउँछन् । गाउँपालिकाले ताल संरक्षण गर्न भनेर बार लगाउनुका सधैँ त्यस वरपर थुप्रै पूर्वाधार निर्माण गरेको छ ।

जिल्ला समन्वय समिति बाग्लुङका प्रमुख अमर थापाले ताल पानीको स्रोत भएको हुँदा यसको संरक्षण गर्ने जिम्मेवारी पालिकाको भएको भन्दै डोजर लगाउन नहुने बताउनुभयो । डोजर लगाउँदा धेरै ठाउँमा पानीको मुहानसमेत सुकेको हुँदा ताल क्षेत्र वरपरसमेत ठूलो उपकरण चलाउन नहुने उहाँको भनाइ छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्