२ सय ६४ वटा स्वास्थ्य संस्थामा सिटामोलसमेत पाइएन, ३ सय ८० वटामा जीवनजल छैन

जेठ १४, २०८१ सोमबार १५:२:८ | उज्यालो सहकर्मी

काठमाण्डाै – नागरिकका लागि अत्यावश्यक औषधि निःशुल्क उपलब्ध गराउने सरकारी नीतिको प्रभावकारी कार्यान्वयन नभएको पाइएको छ ।

महालेखा परीक्षकको कार्यालयले सार्वजनिक गरेको ६१ औँ प्रतिवेदन अनुसार औषधि वितरणको अनुगमन गर्दा स्वास्थ्य नीति २०७६ अनुसार अत्यावश्यक औषधि निःशुल्क उपलब्ध हुनुपर्नेमा कतिपय अस्पताल र स्वास्थ्य चौकीमा सिटामोलसमेत नभएको पाइएको हो । स्वास्थ्य सेवा विभागले प्रयोगमा ल्याएको सफ्टवेयरमार्फत परीक्षण गर्दा निःशुल्क वितरण हुने औषधिमध्ये केही औषधिको मौज्दात नै नभएको प्रतिवेदनमा उल्लेख छ ।

२ सय ६४ वटा संस्थामा सिटामोल, ३ सय ५३ वटा संस्थामा अल्वेण्डाजोल, ७ सय १६ वटा संस्थामा भिटामिन ए क्याप्सुल, ७ सय २१ वटा संस्थामा एमोक्सोसिलिन, ५ सय ३४ वटा संस्थामा नाभी मलम र ३ सय ८० वटा संस्थामा जीवनजलको मौज्दात शून्य रहेको महालेखाले जनाएको छ ।

निःशुल्क वितरण गरिने औषधिहरू प्रदेश, पालिका र सङ्घीय तीन वटै सरकारमार्फत खरिद गरी वितरण हुने गरेको छ । अत्यावश्यक औषधिसमेत स्वास्थ्य संस्थामा मौज्दात नहुँदा निःशुल्क औषधि वितरणसम्बन्धी नीतिको प्रभावकारी कार्यान्वयन नभएको महालेखाले जनाएको छ ।

सरकारले आधारभूत स्वास्थ्य सेवाअन्तर्गत ९८ प्रकारका औषधि निःशुल्क उपलब्ध गराउने नीति लिएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

२ सय ६४ वटा स्वास्थ्य संस्थामा सिटामोलसमेत पाइएन, ३ सय ८० वटामा जीवनजल छैन

फाइल फाेटाे

तपाईको प्रतिक्रिया