टी–२० विश्वकपको अभ्यास खेलमा अस्ट्रेलिया टोलीमा ९ जनामात्रै खेलाडी

 जेठ १४, २०८१ सोमबार १५:१७:२७ | उज्यालो सहकर्मी
unn.prixa.net

तस्बिर : एजेन्सी

काठमाण्डाै – आईसीसी टी–२० विश्वकप क्रिकेट अन्तर्गत नामिबियासँगको अभ्यास खेलमा अस्ट्रेलियाको टोलीमा ९ जनामात्रै खेलाडी हुने भएका छन् ।

इन्डियन प्रिमियर लिग (आईपीएल) क्रिकेटमा आबद्ध खेलाडीलाई घरपरिवारसँग समय बिताउनका लागि क्रिकेट अस्ट्रेलियाले छोटो समयको छुट्टी दिएको क्रिकेटसम्बन्धी जानकारी दिने वेबसाइट क्रिकइन्फोले जनाएको छ । यही कारण भोलि हुने नामिबियासँगको अभ्यास खेलमा अस्ट्रेलियाको टोलीमा ९ जनामात्रै खेलाडी रहने भएका हुन् । यस्तै अर्काे अभ्यास खेलमा बिहीवार अस्ट्रेलियाले वेस्ट इन्डिजसँग खेल्दैछ ।

आईपीएल चलिरहँदा घाइते भएका अस्ट्रेलियाका कप्तान मिचेल मार्श बलिङका लागि अझै तयार भइसकेका छैनन् । प्याट कमिन्स, ट्राभिस हेड र मिचेल स्टार्क हिजो आइतवार भएको आईपीएल फाइनलको हिस्सा थिए । यस्तै ग्लेन म्याक्सवेल र क्यामरन ग्रीन रोयल च्यालेन्जर्स बेङ्गलुरुका लागि आईपीएल प्लेअफमा हिस्सा थिए । यी सबै खेलाडी अब भारतबाट अस्ट्रेलिया जाने र फेरि आउँदो जुन ५ मा ओमानसँगको टी–२० विश्वकप खेलअघि वेस्ट इन्डिज पुग्ने खबरमा उल्लेख छ ।

अहिले नौ जनामात्रै खेलाडी उपलब्ध भएकाले अस्ट्रेलियाले टी–२० विश्वकपकाे अभ्यास खेलमा पूर्ण टाेलीका लागि काेचिङ स्टाफलाई पनि मैदानमा बाेलाउनुपर्ने निश्चित भएकाे खबरमा उल्लेख छ ।

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

२

नेपाल एअरलाइन्सको अन्तर्राष्ट्रिय भाडादरमा छुट

३

अलैंचीको मूल्य उच्च विन्दूमा, ४० किलाेकाे एक लाख सात हजार रुपैयाँ

४

हवाई भाडा नघटेकोमा पर्यटनमन्त्री पाण्डे आक्रोशित, २४ घण्टाभित्र टिकटको मूल्य उपलब्ध गराउन निर्देशन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई