डाक्टरहरूको बिदा र छात्रवृतिमा अनियमितता, करोडौँ खर्च गरेर किनेका मेशिन अस्पतालमै थन्किए

जेठ १४, २०८१ सोमबार १८:१:३२ | उज्यालो सहकर्मी

काठमाण्डाै – डाक्टरहरूको बिदा र छात्रवृतिमा अनियमितता भएको पाइएको छ । महालेखा परीक्षकको कार्यालयले सार्वजनिक गरेको ६१ औँ प्रतिवेदनमा डाक्टरहरूको बिदा र छात्रवृतिमा अनियमितता भएको पाइएको हाे ।

राष्ट्रिय चिकित्सा शिक्षा ऐनअनुसार अध्ययन बिदामा जाने चिकित्सकले सम्झौताअनुसार काम नगरेमा अध्ययन गर्दा लाग्ने पूर्ण शुल्कको दोब्बर रकम जरिबाना असुल गर्नुपर्ने उल्लेख छ । स्वास्थ्य मन्त्रालयले पोखरा स्वास्थ्य विज्ञान प्रतिष्ठानमा कार्यरत एक चिकित्सकको एमडी अध्ययन गर्न अध्ययन बिदा स्वीकृत गरेकोमा सर्तअनुसार १ वर्ष सुगम र १ वर्ष दुर्गम स्थानमा सेवा नगरि राजीनामा पेश गरेकोले कबुलियतनामाअनुसार शुल्क रकमको दोब्बर अर्थात् ४७ लाख ६४ हजार रुपैयाँ असुल गर्नुपर्ने जनाएको छ ।

यस्तै ठूलो रकम खर्चेर किनेका स्वास्थ्य उपकरण पनि प्रयोगमा नआएका महालेखाकाे प्रतिवेदनमा उल्लेख छ । स्वास्थ्य सेवा विभागले बीपी कोइराला स्वास्थ्य विज्ञान प्रतिष्ठान धरानलाई उपलब्ध गराएको १ करोड ३० लाख रुपैयाँ मूल्यका ७ थान हेमोडाइलासिस मेशिन, कोशी अस्पतालमा उपलब्ध गराएको २१ लाख १० हजार रुपैयाँका १० थान बाइपाप मेशिन, ७४ लाख ८२ हजार रुपैयाँको २ थान भेन्टिलेटर मेशिन, चिकित्सा विज्ञान राष्ट्रिय प्रतिष्ठान वीर अस्पतालमा हस्तान्तरण भएको १० करोड ६९ लाख रुपैयाँका ४५ थान भेन्टिलेटरसहितका उपकरण प्रयोगमा नआएका महालेखाले जनाएको छ ।

यसैगरी चिकित्सा विज्ञान राष्ट्रिय प्रतिष्ठानले २०७९ सालमा खरिद गरेको १ करोड ४८ लाख रुपैयाँको अर्थोस्कोपी मेशिन र ओटी टेबुललगायतका उपकरणसमेत प्रयोगमा आएको छैन ।

स्वास्थ्य सेवा विभागले अस्पतालहरूको मागविना नै उपकरण खरिद गरी अस्पतालहरूलाई हस्तान्तरण गर्ने, मूल्य नखुलाउने, वारेन्टी/ग्यारेन्टीका कागजात हस्तान्तरण नगर्नेलगायतका समस्याहरू देखिएका प्रतिवेदनमा उल्लेख छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

डाक्टरहरूको बिदा र छात्रवृतिमा अनियमितता, करोडौँ खर्च गरेर किनेका मेशिन अस्पतालमै थन्किए

फाइल फाेटाे

तपाईको प्रतिक्रिया