काठमाण्डौ – ललितपुरको जावलाखेलमा बेहोस अवस्थामा भेटिएका एक दम्पतीको ज्यान गएको छ । सिन्धुपाल्चोक घर भएका दम्पती जावलाखेलको अल्का अस्पताल पछाडि डेरा गरी बस्दै आएका थिए ।

बेहोस अवस्थामा भेटिएका २५ वर्षी उमेश सेन्चुरी र २५ वर्षकै उहाँकी श्रीमती रेणु सेन्चुरीको उपचारको क्रममा पाटन अस्पतालमा गएराति ज्यान गएको जिल्ला प्रहरी परिसर ललितपुरका प्रहरी उपरीक्षक (एसपी) एवम् प्रवक्ता नरेश सुवेदीले जानकारी दिनुभयो । सेन्चुरी दम्पतीको घर सिन्धुपाल्चोक भए पनि ठेगाना खुल्न सकेको छैन ।

गएराति ८ बजेतिर अर्धबेहोस अवस्थामा प्रहरीले फेला परी दुवै जनालाई उपचारको लागि पाटन अस्पताल लगिएको उहाँको भनाई छ । शव पोष्टमार्टमका लागि शिक्षण अस्पताल महाराजगन्जमा राखिएको छ । ११ वर्ष अघि बिहे गरेका उमेश र रेणुबीच पछिल्लो समय सम्बन्ध सुमधुर नदेखिएको प्रारम्भिक अनुसन्धानमा खुलेको प्रहरीको भनाई छ ।