काठमाण्डाै – रिलायन्स स्पिनिङ मिल्सले सर्वसाधारण लगानीकर्तालाई साधारण शेयर अर्थात् 'आईपीओ' जारी गर्ने अनुमति पाएको छ ।

बुक बिल्डिङ विधिबाट मूल्य निर्धारण भएको कम्पनीलाई धितोपत्र बोर्डले शेयर निष्कासन गर्ने अनुमति दिएको हो । कम्पनीले सर्वसाधारणलाई प्रतिकित्ता आठ सय २० रुपैयाँ ८० पैसाका दरले शेयर निष्कासन गर्नेछ । न्यूनतम ५० कित्ताका लागि आवेदन दिनुपर्ने भएकोले कम्पनीको शेयर भर्न लगानीकर्ताले कम्तीमा ४१ हजार ४० रुपैयाँ खर्च गर्नु पर्नेछ ।

मूल्य निर्धारणका लागि कम्पनीले यसअघि योग्य संस्थागत लगानीकर्तालाई शेयर निष्कासन गरेको थियो । योग्य संस्थागत लगानीकर्ताले बोलकबोलबाट हालेको मूल्यअनुसार कम्पनीको शेयरको 'कट अफ' मूल्य प्रतिकित्ता नाै सय १२ रुपैयाँ निस्किएको थियो । यसरी निस्किएको मूल्यमा १० प्रतिशतले घटाएर सर्वसाधारणका लागि शेयर निष्कासन गर्नुपर्ने व्यवस्था छ ।