केही नदी खोलामा बाढी, सावधानी अपनाउन आग्रह

असार १७, २०८१ सोमबार ११:०:२४ | उज्यालो सहकर्मी

काठमाण्डौ – सिन्धुली, उदयपुर, कैलाली लगायत ठाउँका केही नदी खोलामा बाढी आएको छ । कैलालीको पथरिया खोला जलमापन केन्द्रमा जलसतह बढ्दो क्रममा रहेकाले नदीको तल्लो तटीय क्षेत्र तथा डुबान भइरहने ठाउँमा सतर्कता अपनाउन बाढी पूर्वानुमान महाशाखाले अनुरोध गरेको छ ।

यस्तै सिन्धुलीको हरिहरपुरगढी र उदयपुरको सुन्दरपुर क्षेत्रमा पनि बाढी आएको छ । आज ईलाम, झापा, मोरङ, सुनसरी, सप्तरी, सिराहा, उदयपुर, सिन्धुली, मकवानपुर, धनुषा, महोत्तरी, सर्लाही, लमजुङ, स्याङजा, कास्की, पर्वत र आसपासका जिल्ला भई बहने धेरै ससाना नदीमा बहाव बढ्ने तथा केहीमा आकस्मिक बाढीको जोखिम रहने भएकाले सावधानी अपनाउन मौसम पूर्वानुमान महाशाखाले अनुरोध गरेको छ ।

भोलिदेखि देशका मुख्य नदी कोशी, नारायणी, कर्णाली र यसका सहायक नदीहरुमा तथा बागमती, कमला, पूर्वी राप्ती, पश्चिम राप्ती र बबईको जलसतह बढ्न सक्ने महाशाखाको अनुमान छ ।

महाशाखाका अनुसार आज कोशी, बागमती, गण्डकी र सुदूरपश्चिम प्रदेशका ठाउँमा ठूलो वर्षाको सम्भावना रहेको छ । ठूलो पानी पर्ने ठाउँमा हुन सक्ने गेग्रान बहाव, बाढी, पहिरो तथा भूक्षयका जस्ता प्रकोपको जोखिम वा क्षतिबाट बच्न आवश्यक सतर्कता अपनाउन महाशाखाको अनुरोध छ । आउँदो बिहीवारसम्म मनसुनी प्रणाली झनै सक्रिय हुने सम्भावना रहेकाे महाशाखाले जनाएकाे छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

केही नदी खोलामा बाढी, सावधानी अपनाउन आग्रह

फाइल फाेटाे

तपाईको प्रतिक्रिया