टिकटक दुरुपयोग हुन नदिन कानुन र प्रविधिबारे राम्रो ज्ञान हुन...
भदौ २३, २०८१ आइतबार
पेरिक ओलम्पिकमा नेपालका ब्याडमिन्टन खेलाडी प्रिन्स दाहाल र टेबल टेनिसका स्यान्टु श्रेष्ठले आज खेल्दैछन् । यो खेल पेरिस एक्पो पोर्ट डे भर्सेल्समा आज बेलुका हुनेछ । प्रिन्सले समूह चरणमा भिक्टर एक्सल्सनसँग खेल्ने छन् । १९ वर्षका प्रिन्स ब्याडमिन्टनमा ओलम्पिक खेल्ने पहिलो नेपाली हुन् ।
त्यस्तै टेबल टेनिसका स्यान्टुले पेरिस ओलम्पिकको प्रारम्भिक चरणमा सेनेगलका इब्राहिम डिएवसँग प्रतिस्पर्धा गर्नेछन् । स्यान्टु छनोट चरण पार गरेर पेरिस ओलम्पिक खेल्ने एक मात्र नेपाली खेलाडी हुन् । उनी छनोट चरण पार गरेर ओलम्पिक खेल्ने तेस्रो नेपाली खेलाडी हुन् ।
यसअघि संगिना वैद्य र दीपक विष्टले छनोट चरण पार गरेर ओलम्पिक खेलेका थिए । पेरिस ओलम्पिकमा नेपालबाट ७ खेलाडी सहभागी छन् । जसमा स्यान्टु र प्रिन्ससहित एथलेटिक्सकी सन्तोषी श्रेष्ठ, सुटिङकी सुस्मिता नेपाल, पौडीका डुवाना लामा र एलेक्जेन्डर शाह तथा जुडोकी मनिता श्रेष्ठ प्रधान रहेका छन् ।
३३ औँ ग्रिष्मकालीन पेरिस ओलम्पिकको गएराति भब्य उद्घाटन गरिएको छ । उद्घाटन समारोहमा नेपालको झन्डा टेबलटेनिसका स्यान्टु र जुडोकी मनिताले संयुक्त रूपमा बोकेका थिए । पेरिस ओलम्पिक यहि साउन २७ गतेसम्म चल्नेछ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।