कर्जन्हा बस दुर्घटनामा ज्यान गुमाउनेकाे संख्या ३ पुग्याे

मंसिर ७, २०७५ शुक्रबार १५:२३:४९ | आशिष विश्वकर्मा

सिरहा – पूर्व पश्चिम लोकमार्ग अन्तर्गत सिरहाको कर्जन्हा नपा ३, बन्दिपुरमा बिहीबार बेलुका भएको बस दुर्घटनामा थप दुई जनाको ज्यान गएको छ । दुईसहित मृत्यु हुनेको संख्या तीन पुगेको छ ।

सर्लाहीबाट तीर्थयात्री बोकेर पूर्वतर्फ आइरहेको ना ४ ख ४८२५ नम्बरको बस र पूर्वबाट पश्चिमतर्फ जाँदै गरेको ना ५ ख ३९४० नम्बरको टिपर एक आपसमा ठोकिँदा बसमा रहेका सर्लाही हरिपुर–९ का करिब ४५ वर्षीय रामपृत साह, कविलाशिका राजेन्द्र चौधरी र जगदिश ठाकुरको ज्यान गएको हो ।

साह र चौधरीको विराटनगरमा रहेको न्यूरो अस्पतालमा उपचारका क्रममा मृत्यु भएको जिल्ला प्रहरी कार्यालय सिरहाका प्रवक्ता तथा डीएसपी माधवराज खरेलले जानकारी दिनुभयो ।

यसअघि गम्भीर घाइते अवस्थामा उपचारका लागि अस्पताल लैजाने क्रममा हरिपुर नगरपालिका वडा नं.–९ का ४५ वर्षीय जगदिश ठाकुरको बिहीबार साझ मृत्यु भएको थियो ।

घाइतेमध्ये गम्भीर अवस्था रहेका ३ जनाको उपचार विराटनगरमा भइरहेको छ । सामान्य घाइतेहरु उपचारपछि घर फर्कन थालेका छन् । टिपरका चालक प्रहरी नियन्त्रणमा रहेका छन् भने बसका चालक फरार रहेको प्रवक्ता खरेलले बताउनुभयो

अत्यधिक गतिमा रहेको बस र टिपरले नियन्त्रण गुमाएपछि दुर्घटना भएकाे जनाइएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

आशिष विश्वकर्मा

आशिष विश्वकर्मा सिरहाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्