काठमाण्डौ – काठमाण्डौको मुख्य तरकारी बजार कालिमाटीमा हरियो तरकारीको भाउ बढेको छ । आज ब्रोकाउली, स्थानीय काउली, तने बोडी, पालुङ्गो साग, डल्लो भाण्टा, भेडे खुर्सानीलगायत हरियो तरकारीको भाउ बढेको छ ।

आज ब्रोकाउलीको भाउ किलोमा ३७ रुपैयाँ बढेको छ । हिजो किलोको १९० रुपैयाँ रहेको ब्रोकाउलीको भाउ आज किलोमा ३७ रुपैयाँले बढेर १५३ रुपैयाँ पुगेको छ ।

त्यस्तै स्थानीय काउली, तने बोडी, पालुङ्गो सागको भाउ आज समान किलोमा ३०/३० रुपैयाँले बढेको छ । आज काउली, तने बोडी, पालुङ्गो सागको भाउको भाउ किलोमा ३० रुपैयाँले बढेर क्रमशः ९५, १२५,१४० रुपैयाँ पुगेको छ । हिजो काउली, तने बोडी, पालुङ्गो सागको भाउ किलोमा क्रमशः ६५, ९५,११० रुपैयाँ रहेको थियो ।

आज डल्लो भाण्टाको भाउ पनि २० रुपैयाँले बढेको छ । हिजो ६५ रुपैयाँ रहेको डल्लो भाण्टाको भाउ आज २० रुपैयाँले बढेर ८५ रुपैयाँ पुगेको छ । यस्तै भेडे खुर्सानीको भाउ आज किलोमा ८६ रुपैयाँले बढेको छ । हिजो किलोको १९० रुपैयाँ रहेको भेडे खुर्सानीको भाउ आज किलोको २७६ रुपैयाँ पुगेको छ ।

तर आज ठूलो गालभेडा,भिण्डी, भटमासकोशाको भाउ समान १०/१० रुपैयाँले घटेको छ । हिजो गालभेडा,भिण्डी, भटमासकोशा भाउ क्रमश: ९५, ८५, १५० रुपैयाँ रहेकोमा आज १०/१० रुपैयाँले घटेर क्रमश: ८५, ७५, १४० रुपैयाँमा झरेको छ