एनपीएलका लागि खेलाडी अक्सन सम्पन्न, १२ खेलाडी अक्सनको अधिकतम मूल्यमा अनुबन्धित

असोज २१, २०८१ सोमबार ६:३१:१९ | उज्यालो सहकर्मी

काठमाण्डौ – नेपाल प्रिमियर लिग(एनपीएल) खेल्न नेपाली खेलाडी चयनका लागि अक्सन भएको छ । सहभागी आठ टोलीका लागि १० खेलाडीको दरले अक्सनबाट ८० खेलाडीको टुङ्गो लागेको छ । १२ खेलाडी अक्सनको अधिकतम मूल्य १५ लाख रुपैयाँमा बिक्री भएका छन् ।

सर्वाधिक मूल्य पाउने र सबै टोलीको रोजाइमा अनिल शाह रहे । अनिललाई लक्की ड्रमार्फत जनकपुर बोल्ट्सले पाएको छ । त्यसपछि धेरै टोलीको रोजाइमा परेर अधिकतम मूल्य पाउने खेलाडीमा गुलशन झा र लोकेश बम रहका छन् । गुलशन र लोकेशमाथि समान ७ टोलीले अक्सनमा बोली लगाए ।

लक्की ड्र मार्फत गुलशन कर्णाली याक्समा १५ लाख रुपैयाँ अनुबन्ध भए । लोकेश भने लक्की ड्र मार्फत विराटनगर किङ्ग्समा पुगे । ललित राजवंशी १५ लाखमा जनकपुर वोल्ट्समा अनुबन्ध भएका छन् । प्रतिश जिसीलाई विराटनगर किङ्ग्सले अनुबन्ध गराउन सफल भएको छ ।

सर्वाधिक मुल्य पाउने अर्को खेलाडीमा विवेक यादव रहेका छन् । उनलाई लुम्बिनीले अधिकतम मूल्यमा टोलीमा समावेश गराउन सफल भयो । सूर्य तामाङ र सन्दीप जोरालाई पनि लुम्बिनीले भित्र्याएको छ ।

साहब आलमलाई काठमाण्डौ गुर्खाजले अनुबन्ध गरेको छ । सागर ढकाल पोखरा एभेन्जर्समा पुगेका छन् । आरिफ शेख सुदूरपश्चिममा र भीम सार्की काठमाण्डौ गुर्खाजमा अधिकतम मुल्य १५ लाख रुपैयाँमा अनुबन्ध भएका छन् ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्