सार्वजनिक खरिद अनुगमन कार्यालयले भन्यो : वाइडबडी जहाजको बारेमा मिडियामा आएपछि मात्र थाहा भयाे

मंसिर १२, २०७५ बुधबार १३:६:११ | उज्यालो सहकर्मी

काठमाडौं – सार्वजनिक खरिद अनुगमनको कार्यालयले नेपाल वायुसेवा निगमले खरिद गरेका २ वटा वाइडबडी विमान खरिदबारे आफूलाई थाहा नभएको जनाएको छ ।

संसदको लेखा समितिमा कार्यालयका सचिव मधु रेग्मीले आफूहरुले मिडियामा आएको आधारमा मात्रै थाहा पाएको र निगमले आफूलाई जानकारी नदिएको बताउनुभयो ।

‘यो विषयमा निगमले हामीसँग सहकार्य गरेको छैन, त्यसैले हामीले विस्तृत रुपमा बुझ्न पाएका छैनौँ’, रेग्मीले भन्नुभयो । उहाँले जहाज किनिएको र अनियमितताको बारेमा मिडियामा आएपछि मात्रै थाहा भएको बताउनुभयो ।

यस्तै कार्यालयका निर्देशक रामचन्द्र शर्माले सार्वजनिक खरिद ऐनमा कुनै पनि बस्तु खरिद गर्दा ब्रान्ड वा क्लाइन्ट्बाटै किन्न नहुने भए पनि निगमले किन एयरबस कम्पनी नै रोज्यो भन्नेमा आफूहरुलाई जानकारी नभएको बताउनुभयो ।

तर सामान किन्दा उत्पादकसँगबाट मात्र नभई एजेन्टबाट पनि किन्न सकिने भएकाले निगमले एजेन्टबाट किन्दा गलत नभएको उहाँले बताउनुभयो ।

बैठकमा सांसदहरुले नयाँ जहाज किन्नुपर्नेमा किन एक हजार घण्टा उडेको किनियो, एयरबस कम्पनी नै किन तोकियोलगायतका प्रश्न गरेका छन् । समितिले ७ दिनभित्र लिखित राय पेस गर्न पनि सार्वजनिक खरिद अनुगमनको कार्यालयलाई निर्देशन पनि दिएको छ ।

अन्तिम अपडेट: फागुन १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्