प्रदिप भट्टराईले अनमोलको चलचित्र निर्देशन गर्दै

मंसिर १५, २०७५ शनिबार ६:४२:२८ | उज्यालो सहकर्मी

काठमाडौं – अभिनेता अनमोल केसी यतिबेला झरना थापा निर्देशित चलचित्र ‘ए मेरो हजुर ३’ को छायाकंनमा व्यस्त छन् ।

यसअघि अनमोलले अभिनय गरेका चलचित्र एकपछि अर्को सुपरहिट बनेका छन् । उनले अभिनय गरको चलचित्र क्याप्टेन पनि रिलिज हुने तयारीमा छ । उनको चलचित्र क्याप्टेन फागुन १७ गतेबाट प्रदर्शनमा आउने पक्का भइसकेको छ ।

उनी एउटा चलचित्रमा अभिनय गरेबापत ५० लाख रुपैयाँ लिने गरेको चलचित्र नगरीमा चर्चा छ । पछिल्लो समय अनमोल केसीलाई चलचित्रमा अभिनय गराउन सके मात्र पनि चलचित्र सफल हुने निर्देशक निर्माताहरुको बुझाई छ । यसकारण पनि अनमोल केसीलाई चलचित्र मालिन तछाडमछाड हुने गरेको छ ।

अनमोल पनि एकपछि अर्को चलचित्रमा व्यस्त छन् । ‘ए मेरो हजुर ३’ पछि निर्माता तथा निर्देशक मिलन चाम्सले निर्माण गर्न लागेको चलचित्र व्याचलर बन्टीमा काम गर्ने पक्का भइसकेको बताइएको छ । मिलन चाम्स पनि यति बेला चलचित्र ‘वीर विक्रम २’ को छायाकंनमा व्यस्त छन् ।

‘वीर विक्रम २’ पछि उनले अनमोललाई लिएर चलचित्र ‘ब्याचलर बन्टी’को निर्माणमा लाग्ने यसअघि नै निर्देशक चाम्सले उद्घोष गरिसकेका छन् । अनमोल बलिउड प्रोजेक्ट पनि गर्ने तयारीमा रहेको बताइएको छ । त्यसका निम्ति उनले भारतीय टिमले निर्माण गर्ने एक बलिउड चलचित्रमा लिखित सम्झौता नै गरिसकेको बताइएको छ ।

उनी एकपछि अर्को चलचित्रमा व्यस्त बन्दै गइरहेका बेला सुपरस्टार नायक भुवन केसीले पनि चलचित्र निर्माण गर्न तयारी सुरु गरेको बताइएको छ । उक्त चलचित्र निर्देशन गर्नका निम्ति निर्देशक प्रदिप भट्टराईलाई अफर गरिएको कुरा यतिबेला चलचित्र नगरीमा चर्चामा छ ।

निर्देशक प्रदिप यतिबेला चलचित्र जात्रै जात्रामा व्यस्त छन् । मुख्य कुरा त के छ भने हाल सार्वजनिक गरिएको मिति हेरफेर नहुने हो भने प्रदिपले निर्देशन गर्दै गरेको चलचित्र जात्रै जात्रा र अनमोल केसी अभिनित चलचित्र क्याप्टेन एकै दिनबाट प्रदर्शनमा आउने तयारीमा छन् । चलचित्र नगरीमा यो कुराले झनै चर्चा पाइरहेको छ ।

निर्देशक प्रदिप ‘जात्रै जात्रा’ मा व्यस्त भएका कारण अहिले यो कुरा अघि बढ्न नसके पनि निर्माता भुवन केसी भने उनलाई नै निर्देशनको जिम्मा दिनमा ढुक्क रहेको स्रोत बताउछ । यता प्रदिप पनि भुवनले गरेको उक्त प्रस्तावमा सकारात्मक रहेको बताइएको छ ।

– उज्यालाे र गफगाफ डटकमकाे सहकार्य

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्