मेलम्चीको पानी २०७५ सालभित्र काठमाडाैं नआउने पक्का

मंसिर १६, २०७५ आइतबार १३:३७:५४ | उज्यालो सहकर्मी

काठमाडौं - मेलम्ची आयोजनाको पानी काठमाडौंमा चैत यता नआउने पक्का भएको छ ।

आयोजनाको काम मार्चको अन्तिमसम्म मात्रै सकिने भएकाले पानी आउन कम्तिमा २०७६ सालको वैशाख कुर्नैपर्ने भएको हो । संसदको विकास समितिमा मेलम्ची खानेपानी आयोजनाका कार्यकारी निर्देशक सूर्यराज कँडेलले योजनाको भौतिक काम चैतसम्म सकिने जानकारी दिनुभयो ।

गएकाे जेठमा दसैंभित्र मेलम्चीकाे पानी काठमाडाैं ल्याइने गरी काम भएकाे बताइए पनि मेलम्ची अउन अझै केही महिना कुर्नुपर्ने भएकाे हाे । त्यतिबेला ठेकेदार कम्पनीले स्थानीयसँग गरेको सहमति अनुसारको माग पूरा नगरिएकाले स्थानीयले काममा अवरोध गरेकाले दसैंभित्र पानी ल्याउन नसकिने बताएकाे थियाे ।

मेलम्चीको २६ किलोमिटर सुरुङको काम अबको ३० दिनमै सकिने भए पनि आयोजनाको मुख्य प्रवेशमार्गको काम सक्न अझै १३० दिन लाग्ने कार्यकारी निर्देशकले जानकारी दिनुभयो ।

सुरुङ सफा गर्ने र जोखिम न्यूनीकरणका काम ३० दिनमा सकिने आयोजनाको दावी छ । सुरुङको काम सकिएपछि ४५ दिन उपकरण जडान गर्न समय लाग्ने आयोजनाले जनाएको छ ।

अन्तिम अपडेट: फागुन २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्