धनाैरा नाका खुलाउन पहल गर्छु : परराष्ट्रमन्त्री राणा

पुष १४, २०८१ आइतबार १६:५८:१२ | भावुक योगी

बर्दिया – परराष्ट्रमन्त्री डा. आरजु राणा देउवाले बर्दियाको धनौरा नाका खुलाउन पहल गर्ने बताउनुभएको छ । ठाकुरबाबा नगरपालिकामा मेयर तिलकराम लम्साल, मधुवन नगरपालिकाका मेयर तेजबहादुर भाटलगायतसँगको छलफलका क्रममा परराष्ट्रमन्त्री राणाले धनौरा नाका खोल्न पहल गर्ने बताउनुभएको हो ।

परराष्ट्रमन्त्री राणाले महत्त्वपूर्ण विषय उठान गरेको बताउँदै आफूले गम्भीर भएर पहल गर्ने प्रतिबद्धता व्यक्त गर्नुभयो । भारतले सानो नाका छोटी भन्सारहरू खुलाउन मानिरहेको छैन, विभिन्न ठाउँमा छोटी भन्सार खुलाउने माग बढेको छ, तैपनि धनौरा नाकाका लागि विशेष पहल गर्ने उहाँले बताउनुभयो ।

भेटमा मेयरद्वय लम्साल र भाटले नेपाल–भारत सिमानामा पर्ने पुरानो छोटी भन्सार बर्दियाको धनौरा नाकालाई छिटाे खुलाउनुपर्ने तथा बर्दियाको भुरीगाउँ–तेलपानी हुँदै सुर्खेत जाेड्ने सडक निर्माण तथा सडकमा पर्ने रुख कटानलाई सहज बनाउनुपर्ने माग राख्नुभएको छ ।

यस्तै उहाँहरूले मानव–वन्यजन्तुबीचको द्वन्द्व न्यूनीकरणका लागि जङ्गल किनारमा हात्ती छेकवार पर्खाल निर्माणका लागि थप बजेट बढाउनुपर्ने, पूर्व–पश्चिम राजमार्गमा पर्ने बर्दिया राष्ट्रिय निकुञ्जभित्रको राजमार्गमा आकाशेपुल बनाउनुपर्ने, विश्व बैंक र एशियाली विकास बैंकका योजनाहरू ठाकुरबाबा र मधुवन नगरपालिकासहित बर्दियाका अन्य पालिकामा लागू गराउन आग्रह गर्नुभएको छ ।

जवाफमा मन्त्री राणाले विकास निर्माणका लागि ठूलो रकम आवश्यक पर्ने देखिएको तर सरकारसँग थोरै बजेट हुँदा समस्या रहेको बताउनुभयो । विश्व बैंक र एशियाली विकास बैंकका परियोजना बर्दियामा ल्याउन पहल गर्ने उहाँको भनाइ छ ।

अन्तिम अपडेट: पुस १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्