६० दिनभित्र मेलम्चीको पानी काठमाडौं आइपुग्ने सचिवकाे दावी

 मंसिर १६, २०७५ आइतबार १७:२८:२० | उज्यालो सहकर्मी
unn.prixa.net

प्रतिकात्मक तस्बिर

काठमाडौं – खानेपानी मन्त्रालयका सचिव गजेन्द्रकुमार ठाकुरले ६० दिनभित्र मेलम्चीको पानी काठमाडौं आइपुग्ने दावी गर्नु भएको छ ।

सचिव ठाकुरले मेलम्चीको खानेपानी ल्याउने काममा कर्मचारीहरुलाई उत्साही बनाउने वातावरण बनाइदिन पनि संघीय संसदका सांसदहरुलाई आग्रह गर्नुभयो । आइतबार संघीय संसद प्रतिनिधिसभा अन्तरगतको विकास तथा प्रविधि समितिको बैठकमा बोल्दै उहाँले ६० दिनभित्र सबै प्राविधिक काम सकेर मेलम्चीको पानी टनेलमा हाल्ने र त्यसको ६ दिनभित्र काठमाडौंको घरघरमा पानी पुर्‍याउने दावी गर्नुभयो ।

सचिव ठाकुरले दसैंमा मेलम्चीको पानी ल्याउने प्रतिवद्धता पूरा गर्न नसकेकोमा माफी समेत माग्नु भएको थियो । उहाँले सुरुमा मेलम्चीको पानी पुरानै संरचनाबाट वितरण गर्ने पनि स्पष्ट पार्नुभयो । महांकाल, नयाँ बानेश्वर, अनामनगर, बालाजु, पानी पोखरी र बाँसबारीमा रहेको पुरानै पानी टयांकीबाट पानी वितरणको काम सुरु गर्ने सरकारको योजना छ ।

सचिव ठाकुरले नयाँ संरचना तयार पार्ने क्रममा पाइपलाइन विस्तारको काम सक्न लागिसकेको उल्लेख गर्दै त्यसमा भने पानी परीक्षण गरेर मात्रै वितरण गर्ने योजना रहेको स्पष्ट पार्नुभयो । मेलम्चीको पानी वितरणका लागि झण्डै एक हजार किलोमिटर पाइपलाइन विस्तारको काम सम्पन्न हुने चरणमा रहेको छ । सचिव ठाकुरले सुरुका चार महिना भने पुरानै संरचनाबाट पानी घरघरमा पुर्‍याउने र परीक्षण गर्दै नयाँ पाइपलाइनमा पनि पानी हाल्दै लैजाने योजना पनि समितिलाई जानकारी दिनुभयो ।

काठमाडौंमा पानी आएको ६ महिनाभित्र नयाँ संरचनाबाट घरघरमा मेलम्चीको पानीको व्यवस्था गर्ने सरकारको योजना छ । सचिव ठाकुरले मेलम्चीको पानी काठमाडौंमा वितरण सुरु भएपछि मात्रै त्यहाँका स्थानीय नागरिकले क्षतिपूर्तिवापत मागेको रकम उपलब्ध गराउने योजना पनि सार्वजनिक गर्नुभयो ।

उहाँले विगतमा भएका कमीकमजोरीका कारण सो खानेपानी काठमाडौं ल्याउने काममा ढिलाई हुन गएको दावी समेत गर्नुभयो ।

सचिवले ६० दिनमा मेलम्चीकाे पानी काठमाडाैं ल्याउने ठाेकुवा गरे पनि चैत्र मसान्त नसकिँदै पानी अाउन कठिन नै देखिन्छ ।

 

याे पनि पढ्नुहाेस्

मेलम्चीको पानी २०७५ सालभित्र काठमाडाैं नआउने पक्का

 

 

अन्तिम अपडेट: फागुन २३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भोलि वर्षा गराउने नयाँ प्रणाली भित्रिँदै, चैत १ गतेसम्म हावाहुरी, चट्याङ र केही ठाउँमा असिनाको जोखिम

२

संवैधानिक दायराभित्र रहन पूर्वराजालाई दलहरूको आग्रह, जबरजस्ती नगर्न चेतावनी

३

हो नि, राजा त फर्कनैपर्छ गाँठे !

४

माओवादीको एक महिने मधेश जागरण अभियान स्थगित

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई