कानुन मिच्नेलाई निमिट्यान्न पार्न प्रहरी महानिरीक्षक खनालको निर्देशन

मंसिर १६, २०७५ आइतबार १८:२४:२८ | उज्यालो सहकर्मी

धादिङ – प्रहरी कानुन कार्यान्वयन गर्ने एउटा सदस्य भएकोले कानुन मिच्नेलाई निमिट्यान्न पार्न प्रहरी महानिरीक्षक सर्बेन्द्र खनालले प्रहरीहरुलाई निर्देशन दिनुभएको छ ।

जिल्ला ट्राफिक प्रहरी कार्यालय धादिङको गजुरीमा नवनिर्मित सुविधा सम्पन्न भवनको आइतबार उद्घाटन गर्दै खनालले सुन्दर भवन जस्तै सुन्दर काम गरेर नागरिकको अगाडि सम्मानित हुन प्रहरीलाई आग्रह गर्नुभयो ।

विगतमा प्रहरीबाट गल्ती कमजोरीहरु भएका भए पनि अबका दिनमा कुनै गल्ती वा कमजोरी भए कुनै प्रहरीलाई छुट नदिने खनालको भनाई थियो । प्रहरी महानिरीक्षक खनालले धादिङमा गुण्डा र अपराधीहरु सलबलाएको सुनेकोले उनीहरुलाई कसुर अनुसार कारबाही गरी जिल्लालाई शान्ति सुरक्षा कायम गर्न निर्देश दिनुभयो ।

महिलामाथी हुने हिंसा, भ्रष्टाचार, मानवबेचबिखनलगायतका विषयमा शून्य सहनशिलता कायम गर्न पनि उहाँले अनुरोध गर्नुभयो । खानालले धादिङमा २० वर्षअघि प्रहरी निरीक्षक भएर काम गर्दा रकम लिएर आउनेहरुसँग आफूले काम गरेको स्मरण गर्नुभयो ।

धादिङमा १ करोड ६६ लाख २१ हजार रुपैयाँको लागतमा दुई तले भवन निर्माण भएको थियो । आइतबारबाट त्यही भवन उद्घाटन खनालले गर्नुभयो ।

अन्तिम अपडेट: फागुन २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्