वायु सेवा निगममा देखिएका समस्या र सुधारका उपाय अध्ययन गर्न उपसमिति गठन

पुष २५, २०८१ बिहीबार १५:५८:४७ | उज्यालो सहकर्मी

काठमाण्डाै – नेपाल वायु सेवा निगममा देखिएका समस्या र सुधारका उपाय अध्ययन गर्न संसदीय समितिले उपसमिति गठन गरेको छ ।

सिंहदरबारमा आज बसेको अन्तर्राष्ट्रिय सम्बन्ध र पर्यटन समितिको बैठकले शिशिर खनालको संयोजकत्वमा चार सदस्यीय उपसमिति गठन गरेको हो । उपसमितिले अध्ययन गरेर एक महिनाभित्र समितिलाई प्रतिवेदन पेश गर्नेछ । उपसमितिमा खनालसहित छिरिङ ल्हामु लामा, योगश गौचन थकाली र सुनिता बराल हुनुहुन्छ ।

समिति सभापति राजकिशोर यादवले नेपाल नागरिक उड्डयन प्राधिकरणका बारेमा पनि आउँदो बैठकबाट उपसमिति बनाएर अध्ययन गर्ने बताउनुभयो । समितिले संस्कृति, पर्यटन र नागरिक उड्डयन गरी तीन क्षेत्रकै बृहत्तर विकासका लागि मन्त्रालयको समग्र नीतिगत, संरचनागत र व्यवस्थापकीय सुधार गर्न कार्यान्वयनयोग्य कार्ययोजना यथाशीघ्र निर्माण गरी समितिलाई जानकारी गराउन निर्देशन दिएको छ ।

समितिले पर्यटन मन्त्रालयअन्तर्गत सार्वजनिक निजी साझेदारी मोडलमा सञ्चालित विभिन्न आयोजना एवम् निकायहरुको उपलब्धि र प्रभावकारिताबारे अध्ययन गरी जानकारी समितिलाई उपलब्ध गराउन, पुरातात्त्विक सम्पदा उत्खननको कार्यलाई नियमित, मितव्ययी र परिणाममूलक बनाई कार्यसम्पादनमा जोड दिन, भैरहवा र पोखरा अन्तर्राष्ट्रिय विमानस्थलको नियमित सञ्चालनका लागि सम्बद्ध निकायहरूबीच सम्झौता, समन्वय र पहलकदमी लिन पनि पर्यटन मन्त्रालयलाई निर्देशन दिएको छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्