युक्रेनका राष्ट्रपति जेलेन्स्की ‘तानाशाह’ रहेको अमेरिकी राष्ट्रपति ट्रम्पको टिप्पणी

फागुन ८, २०८१ बिहीबार ९:४८:२० | एजेन्सी

अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदिमिर जेलेन्स्की ‘तानाशाह’ रहेको टिप्पणी गर्नुभएको छ । जेलेन्स्कीले ‘तानाशाह’ प्रमाणित हुने गरी उपद्रो मच्चाएको टिप्पणीसहित ट्रम्पले जेलन्स्कीले चुनाव गर्न इन्कार गरेको आरोपसमेत लगाउनुभएको बीबीसीले जनाएको छ ।

सन् २०२२ फेब्रुअरीमा रुसी आक्रमणपछि युक्रेनमा ‘मार्शल ल’ अर्थात् सैन्य शासन लागू भएको छ । जसको अर्थ चुनाव निलम्बित हुनु हो । यसअघि जेलेन्स्कीले साउदी अरबमा सम्पन्न अमेरिका–रुस वार्ता लगत्तै ट्रम्पलाई रुसको गलत सूचनाबाट घेराबन्दीमा परेको आरोप लगाउनुभएको थियो ।

अमेरिका–रुसबीचको वार्तामा युक्रेनलाई सामेल गराइएको थिएन । युरोपेली देशहरूले पनि युक्रेनको सहभागिताविनाको वार्तालाई मान्यता नदिने बताएका छन् । फ्रान्स, बेलायत, जर्मनी, पोल्याण्ड, इटाली, स्पेन र डेनमार्कलगायतका युरोपेली देशहरू युक्रेनको पक्षमा एकजुट भएका छन् ।

युक्रेनविना वा युरोपको संलग्नताबिना कुनै पनि सम्झौता हुन नसक्ने उनीहरूको भनाइ छ । तर साउदी अरबमा अमेरिका र रुसबीचको बैठकपछि ट्रम्पले युक्रेनमा युद्ध अन्त्य गर्ने शक्ति आफूसँग रहेको समेत बताउनुभएको थियो ।

दुई देशका विदेशमन्त्रीको नेतृत्वमा भएको वार्तामा रुस र अमेरिकाबीच युक्रेन युद्ध अन्त्यका गर्ने सहमति भएको थियो । त्यसका लागि उच्चस्तरीय वार्ता गर्ने निर्णय समेत भएको रुसी विदेशमन्त्री सर्गेइ लाभरोभले बताउनुभएको छ ।

अन्तिम अपडेट: फागुन ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

युक्रेनका राष्ट्रपति जेलेन्स्की ‘तानाशाह’ रहेको अमेरिकी राष्ट्रपति ट्रम्पको टिप्पणी

तस्बिर : एजेन्सी

तपाईको प्रतिक्रिया