सांसदहरूले विभिन्न विषयमा सरकारको ध्यानाकर्षण गराए

सरकारले आज पनि अध्यादेश अघि बढाएन

फागुन १२, २०८१ सोमबार १४:५८:९ | उज्यालो सहकर्मी

काठमाण्डाै – प्रतिनिधिसभाको बैठकमा सांसदहरूले विभिन्न विषयमा सरकारको ध्यानाकर्षण गराएका छन् ।

राष्ट्रिय स्वतन्त्र पार्टी (रास्वपा) की सांसद तोषिमा कार्कीले स्वास्थ्य तथा जनसङ्ख्यामन्त्री प्रदीप पौडेलले स्वास्थ्य बीमा कार्यक्रम अलपत्र पारेको आरोप लगाउनुभएको छ । मन्त्री पौडेलले स्वास्थ्य बीमाको सीमालाई पाँच लाख पुर्‍याउँछु भनेर महत्त्वाकाङ्क्षी सपना बाँडेर अहिले पन्छिन खाजेको उहाँकाे आरोप छ ।

यस्तै राष्ट्रिय प्रजातन्त्र पार्टी (राप्रपा) का सांसद ध्रुवबहादुर प्रधानले भन्सारमा रहेका लिलामीका सामानहरूको समयमै व्यवस्थापन गर्न सरकारको ध्यानाकर्षण गराउनुभएको छ ।

नेपाली कांग्रेसका सांसद एनपी साउदले कञ्चनपुरको महाकाली सिँचाइ तेस्रो परियोजना विस्तारका क्रममा प्रभावित हुन पुगेका मुक्त कमैया परिवारलाई तत्काल मुआब्जा उपलब्ध गराउन सरकारसँग माग गर्नुभएको छ ।

यसैबीच सरकारले यसअघि माघ २४ गते नै संसद्मा अध्यादेशहरू अघि बढाउने तयारी गरेको भए पनि राष्ट्रियसभामा बहुमत नपुग्ने भएपछि रोकिएको थियो । त्यसपछि फागुनको ६ गते अघि बढाउने तयारी गरेकोमा ११ गतेसम्म नगर्ने भनेको थियो । सरकारले आज पनि अध्यादेश अघि बढाएकाे छैन ।

आज र भोलि प्रतिनिधिसभाको बैठक बस्ने संसदीय क्यालेन्डर छ । त्यसपछि अर्को संसदीय क्यालेन्डर तयार भएको छैन ।

सरकारले विभिन्न ६ वटा अध्यादेशमार्फत २९ वटा ऐन संशोधन गरेको छ । दुवै सदनबाट अध्यादेश स्वीकृत गराएपछि सरकारले प्रतिस्थापन विधेयक ल्याउन सक्छ । प्रतिस्थापन विधेयक पनि अधिवेशन शुरू भएको ६० दिनभित्र संसद्बाट पास भएर ऐनमा रूपान्तरित भइसक्नुपर्छ । तर सरकारले एक महिनासम्म पनि संसद्बाट अध्यादेश स्वीकृत गराउन सकेको छैन ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सांसदहरूले विभिन्न विषयमा सरकारको ध्यानाकर्षण गराए

सरकारले आज पनि अध्यादेश अघि बढाएन

तस्वीर : एजेन्सी

तपाईको प्रतिक्रिया