पाथीभरा केबलकारको विषय छलफलबाट टुङ्गो लगाएर विकास निर्माणलाई अघि बढाउनुपर्छ : कांग्रेस

फागुन १७, २०८१ शनिबार ६:३४:२३ | उज्यालो सहकर्मी

काठमाण्डाै – नेपाली कांग्रेसले पाथीभरा केबलकारको विषय छलफलबाट टुङ्गो लगाएर विकास निर्माणलाई अघि बढाउनुपर्नेमा जोड दिएको छ ।

हिजाे पार्टी सभापति शेरबहादुर देउवाकाे निवास बूढानीलकण्ठमा बसेको पदाधिकारी र पूर्वपदाधिकारीको बैठकले पाथीभरा मन्दिर आस्थाको केन्द्र भएकाले धार्मिक आस्थामा क्षति नपुग्ने गरी केबलकार निर्माण गर्नुपर्नेमा जोड दिइएको पार्टीका प्रवक्ता डा. प्रकाशशरण महतले जानकारी दिनुभयाे । उहाँले केबलकार निर्माणले आस्थामाथि प्रहार गर्ने नभई श्रद्धालुहरूलाई सहज पहुँच पुर्‍याउने बताउनुभयो ।

यस्तै बैठकमा स्वतन्त्र विद्यार्थी युनियन (स्ववियु) चुनावकाे पारदर्शिता सुनिश्चित गर्ने कुरामा पनि सबै राजनीतिक दलहरूसँग छलफल गरेर अघि बढ्नुपर्नेमा जोड दिइएको प्रवक्ता महतले उल्लेख गर्नुभयाे । अनावश्यक झैझगडा हुन नदिने गरी शान्तिपूर्वक स्ववियु चुनाव सम्पन्न गर्नुपर्ने बारेमा छलफल भएको उहाँले बताउनुभयो ।

बैठकमा संविधान संशोधनको विषयमा पनि छलफल भएको र त्यसमा सरकारको तर्फबाट कार्यदल बनेको र संशोधन आवश्यक भएका विषयमा पार्टीले धारणा बनाउने महतकाे भनाइ छ ।

यस्तै प्रमुख सचेतक श्याम घिमिरेले विधेयकबारे सैद्धान्तिक छलफल भएको र राजनीतिक दलसम्बन्धी विधेयकका कतिपय दफाहरू शून्यताको अवस्थामा रहेकाले त्याे विधेयकमा के गर्ने भन्नेबारेमा छलफल भएको बताउनुभयो ।

अन्तिम अपडेट: फागुन १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पाथीभरा केबलकारको विषय छलफलबाट टुङ्गो लगाएर विकास निर्माणलाई अघि बढाउनुपर्छ : कांग्रेस

फाइल फाेटाे

तपाईको प्रतिक्रिया