बीमाको औषधि गुणस्तरीय नभएको सेवाग्राहीको गुनासो

जेठ ३१, २०७५ बिहीबार १८:८:२० | सुजता सुनुवार

इलाम – स्वास्थ्य बीमा प्रभावकारी भए पनि स्वास्थ्य बीमाबाट पाइने निशुल्क औषधि गुणस्तरीय नभएको सेवाग्राहीहरुले गुनासो गरेका छन् ।

स्वास्थ बीमा गरेर सेवा लिइरहेका सेवाग्राहीले औषधि गुणस्तरीय नभएको गुनासो गरेका हुन् । गएको एक वर्षदेखि निरन्तर स्वास्थ्य बीमाबाट औषधि खाइरहेकी इलाम नगरपालिका वडा नम्बर ६ की बाटुलीमाया भट्टराईले बीमाको औषधि खाँदा समस्या झन बढेर गएको बताउनुभयो ।

उहाँले भन्नुभयो, ‘मेरो सिङ्गो शरीर नै सुन्निने समस्या छ । बीमाको औषधि खाँदा झन हात खुट्टा शरीर सुन्निदै गएको छ । हामी गरिब हौँ, निःशुल्क औषधि खान पाएका छौँ । सरकारले राम्रो सेवा दिएको छ ।’

उहाँले समस्या समाधान नभई बढेर जाँदा झन शरीरलाई कष्ट भइरहेको दुखेसो पोख्नुभयो । उहाँले भन्नुभयो, ‘कि सेवा दिन ठप्प हुनुपर्‍यो, कि त गुणस्तरीय हुनुपर्‍यो ।’ जिल्ला अस्पताल इलामका अनुसार इलाम जिल्ला अस्पतालबाट मात्रै अहिलेसम्म बिमितमध्ये १४ हजारभन्दा बढीले निःशुल्क औषधिको सेवा लिइसकेका छन् । जसमा ओपीडीमा १२ हजार ८ सय ७३ र इमरजेन्सीमा एक हजार २ सय ८७ ले सेवा लिइरहेको पाइएको छ ।

इलाम अस्पताल इलाम , पशुपतिनगर प्राथमिक स्वास्थ्य केन्द्र इलाम, फिक्कल प्राथमिक स्वास्थ्य केन्द्र इलाम, प्याङ्ग प्राथमिक स्वास्थ्य केन्द्र इलाम र मंगलबारे प्राथमिक स्वास्थ्य केन्द्र इलामबाट बीमा गर्नेहरुले सेवा लिइरहेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्