शाहरुखले भने : छोरा आर्यन निर्देशक बन्नेछ, छोरी सुहाना अभिनेत्री

पुष २, २०७५ सोमबार १८:३:२९ | एजेन्सी

बलिउड उद्योगमा एकपछि अर्को गर्दै स्टारकिडहरु प्रवेश गर्दैछन् ।

यसैबीच अभिनेता शाहरुख खानका छोरा आर्यन र छोरी सुहानाले समेत बलिउडमा छिट्टै नै प्रवेश गर्ने खबरहरु आइरहेका छन् । अहिले अभिनेता शाहरुख खानको फिल्म ‘जिरो’ प्रदर्शनको तयारीमा रहेको छ । शाहरुख यसै फिल्मको प्रमोशनका लागि विभिन्न कार्यक्रममा सहभागी भइरहेका छन् । प्रमोशनकै एक कार्यक्रममा शाहरुखले उनका छोरा र छोरी सुहानाको विषयमा बोलेका छन् ।

शाहरुखले उनकी छोरी सुहानालाई बलिउड फिल्मकी हिरोइन बन्ने इच्छा रहेको र छोरा आर्यनलाई भने अभिनय भन्दा निर्देशनमा रुची भएकाले उनी निर्देशक बन्न सक्ने बताएका छन् । शाहरुखले भने, ‘यदि आर्यन अभिनेता बन्न चाहन्छ भने त्यो मेरा लागि खुसीको खबर हुनेछ । तर म तपाईँलाई जानकारी गराउछु की उसलाई निर्देशक बन्न मन छ । उ यतिबेला विदेशमा फिल्म निर्माण र लेखनको पढाई गरिरहेको छ । उ पढाई सकेर फर्किएपछि करण जोहरका साथ निर्देशनको काम गर्नेछ । छोरी सुहानाको भने बलिउडकी हिरोइन बन्ने सपना रहेको छ ।’

शाहरुखले छोरी सुहानाको बारेमा भनेका छन्, ‘सुहाना सानैदेखि अभिनेत्री बन्न चाहन्थिन् । उनी स्कुलको पढाई सकेर ३÷४ वर्षका लागि विदेशमा अभिनयको पढाई गर्नेछिन् । मलाई विश्वास छ उनी छिट्टै नै फिल्म उद्योगमा पाइला राख्नेछिन् ।’

शाहरुख खानले उनका सन्तान ३÷४ वर्षपछि मात्रै बलिउड प्रवेश गर्ने बताएका छन् । साथै छोरी सुहाना र छोरा आर्यनको करियर बनाउनका लागि निर्देशक करण जोहरले महत्वपूर्ण भूमिका निर्वाह गर्ने समेत बताएका छन् ।

करण जोहरले समेत यसअघि शाहरुखका छोरा आर्यन खानको डेब्यू फिल्म निर्देशन गर्ने सपना रहेको बताएका थिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्