सन् २०१८ मा गायन क्षेत्रमा चम्किएकाहरु

पुष १६, २०७५ सोमबार १७:३:२१ | उज्यालो सहकर्मी

काठमाडौं – अंग्रेजी वर्ष २०१८ आजबाट सकिएर भोलिबाट २०१९ सुरु हुँदै छ । यो वर्षमा नेपालको गायन क्षेत्रले केही नवप्रतिभाहरु जन्माएको छ ।

सन् २०१८ मा सबैको प्यारो बनेको नाम हो अशोक दर्जी । झापामा घर भएका उनी सडकमा गीत गाएर माग्दै हिँड्ने गर्थे । दया लाग्नेले केही रुपैयाँ दिन्थे भने कसैले त्यतिकै खाली हात फर्काइदिन्थे । तर अन्ततः गायक तथा संगीतकार टंक बुढाथोकीले उनलाई सडकबाटै उठाए र काठमाडौं लिएर आए । जब टंकले अशोकलाई साथमा लिएर मनबिनाको धन ठूलोको बोलको गीत सार्वजनिक गरे । देश विदेशमा रहेका हरेक नेपालीको मन मस्तिष्कमा त्यो गीत बस्न सफल भयो ।

टंकले सबै नेपालीसँग सहयोगको अपिल गरे र अशोक दर्जीको घरसमेत बनाइदिए । वरिष्ठ हास्यकलाकार हरिवंश आचार्य, चलचित्र निर्देशक सोभित बस्नेत, पत्रकार ऋषि धमलालगायतको उपस्थितिमा घर हस्तान्तरण गरियो । यसरी सबैको नजरमा प्यारो बनेका अशोक दर्जीलाई टंकले काठमाडौं नै ल्याएर स्कुल भर्ना गरिदिए । हाल पनि टंकले अशोकलाई आफ्नै साथमा राख्दै आएका छन् । सन २०१८ को अन्तिम समयमा उनीहरुले पनि अर्को गीत सार्वजनिक गरे । ‘चाैँरीको चाम्रो छुर्पी’ बोलको गीतलाई पनि दर्शकले धेरै मन पराएका छन् । त्यो गीत करिब एक हप्तासम्म ट्रेण्डिङ एकमा बन्न सफल भएको थियो ।

यस्तै २०१८ मा २ वटा रियालिटी शोहरु सम्पन्न भए । ती शोहरु हुन् एपीवान टेलिभिजनले आयोजना गरेका नेपाल आइडलको दोस्रो सिरिज र लक्ष्मण पौडेलको टिमले आयोजना गरेका द भ्वाइस अफ् नेपाल ।

नेपाल आइडल अन्तर्गत सुदूरपश्चिमका रवि ओड नेपाल आइडल बन्न सफल भए । गरिब परिवारमा जन्मिएका ओड विदेश जाने चक्करमा थिए । तर एक पटक नेपाल आइडलमा सहभागी हुने र नेपाल आइडल बन्ने आश बोकेर उनी काठमाडौं आए । अन्ततः उनलाई नै दर्शकले दोस्रो नेपाल आइडलका रुपमा पाए । नेपाल आइडल बनेकी खुशी साट्न नपाउँदै त्यसको केहर दिनमा नै नेपाल आइडल बन्न सफल ओडकी आमाको निधन भयो । घरमै काम गर्ने समयमा करेन्ट लागेर उनको निधन भएको थियो ।

त्यस्तै अर्को रियालिटी शो द भ्वाइस अफ् नेपालको विजेता बन्न सफल भए पोखराका सीडी विजय अधिकारी । यस्तै द भ्वाइस अफ् नेपालको फाइनमा पुग्ने अन्य ३ प्रतिस्पर्धीहरु सप्तकदुतराज, श्रीजय थपलिया र कुशल आचार्य पनि यो वर्ष निकै चर्चामा रहेका थिए । कार्यक्रमको फाइनल कतारमा गरिएको थियो ।

त्यस्तै नेपाल आइडलमा सहभागी पोखराका विक्रम बराल, झापाका सुमित पाठक र अस्मिता अधिकारी पनि यो वर्ष निकै चर्चामा रहे । उनीहरु क्रमशः दोस्रो, तेस्रो र चौथो बन्न सफल भएका थिए ।

– उज्यालो र गफगाफ डटकमको सहकार्य

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्