मनाङको माथिल्लो भेगमा हिमपात

पुष २२, २०७५ आइतबार १६:२५:४६ | श्यामशितल परियार

लमजुङ – हिमाली जिल्ला मनाङमा हिमपात भएको छ । जिल्लाको माथिल्लो भेग ढुकुरपोखरी, खाङ्सार, ङावल, घ्यारुलगायतका ठाउँमा हिमपात भएको हो ।

‘दिउँसो १२ बजेबाट माथिल्लो भेगमा हिमपात भएको छ । यसवर्षको यो चौथौ पटक परेको हिमपात हो । चामेमा पनि फुरुफुरु हिउँ परिरहेको छ । चिसो अत्यधिक बढेको छ । चिसोले जनजीवन प्रभावित भएको छ,’ मनाङमा बसी पत्रकारिता गर्दै आउनुभएका नेगम परियारले टेलिफोनमार्फत जानकारी दिनुभयो ।

उहाँका अनुसार चिसोका कारण मानिसको चहपहल घटेको छ । अहिले मनाङमा चिसो हावाहुरी चलेको जिल्ला समन्वय समिति मनाङका लेखापाल रविन्द्र पौडेलले बताउनुभयो । ‘माथिल्लो भेगमा हिमपात भएको छ । आकाश कालो बादलले ढपक्क ढाकेको छ । बिहान–बेलुकी यहाँ एकदमै चिसो छ,’ उहाँले भन्नुभयो । उहाँका अनुसार चिसोका कारण धारामै पानी जम्न थालेको छ ।

मंसिर, पुस र माघ महिनामा यहाँ अत्यधिक चिसो हुन्छ । जाडो समयमा चिसो छल्न यहाँका स्थानीय अन्य विभिन्न जिल्लामा पुग्ने गर्दछन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्